Tájikstandy 28 jyldan beri basqaryp kele jatqan Emomali Rahmon ant berip, besinshi ret prezident qyzmetine kiristi. Inaýgýratsiia rásimi 30 qazanda úkimettiń "Kohi Somon" rezidentsiiasynda ótti.
Inaýgýratsiia kezinde Rahmon aldaǵy 7 jyl ishinde Tájikstan energetikalyq táýeldilikten tolyq qutylyp, kommýnikatsiialyq tyǵyryqtan shyǵady, tranzittik elge ainalady dep málimdedi. Eldiń azyq-túlik qaýipsizdik máselesi de strategiialyq mindet bolyp qala beredi dedi.
Tájik prezidenti ant bergennen keiin parad ótip, oǵan 7 myńnan astam áskeri qyzmetker qatysqan.
Osyǵan deiin Tájikstan ortalyq sailaý komissiiasy 11 qazanda ótken prezident sailaýynda 68 jastaǵy Emomali Rahmon 90 paiyz daýys alyp, jeńiske jetti dep habarlaǵan. Ortalyq Aziiadaǵy eń kedei memleketti 1992 jyldan beri basqaryp otyrǵan Rahmon osymen besinshi prezident sailaýynyń jeńimpazy atanyp otyr.
Batys baqylaýshylary buǵan deiin Tájikstanda ótken sailaýlardyń eshbirin erkin, ádil sailaý dep tanyǵan emes. Rahmon postsovettik elder arasynda bilikte Belarýs prezidenti Aleksandr Lýkashenkodan da uzaq otyrǵan avtokrat basshy retinde tanymal.
Sońǵy prezident sailaýyna Rahmonǵa shynaiy qarsylas sanalatyn talapkerler qatysqan joq.
