تەجٸكستاندى 28 جىلدان بەرٸ باسقارىپ كەلە جاتقان ەمومالي راحمون انت بەرٸپ, بەسٸنشٸ رەت پرەزيدەنت قىزمەتٸنە كٸرٸستٸ. يناۋگۋراتسييا رەسٸمٸ 30 قازاندا ٷكٸمەتتٸڭ "كوحي سومون" رەزيدەنتسيياسىندا ٶتتٸ.
يناۋگۋراتسييا كەزٸندە راحمون الداعى 7 جىل ٸشٸندە تەجٸكستان ەنەرگەتيكالىق تەۋەلدٸلٸكتەن تولىق قۇتىلىپ, كوممۋنيكاتسييالىق تىعىرىقتان شىعادى, ترانزيتتٸك ەلگە اينالادى دەپ مەلٸمدەدٸ. ەلدٸڭ ازىق-تٷلٸك قاۋٸپسٸزدٸك مەسەلەسٸ دە ستراتەگييالىق مٸندەت بولىپ قالا بەرەدٸ دەدٸ.
تەجٸك پرەزيدەنتٸ انت بەرگەننەن كەيٸن پاراد ٶتٸپ, وعان 7 مىڭنان استام ەسكەري قىزمەتكەر قاتىسقان.
وسىعان دەيٸن تەجٸكستان ورتالىق سايلاۋ كوميسسيياسى 11 قازاندا ٶتكەن پرەزيدەنت سايلاۋىندا 68 جاستاعى ەمومالي راحمون 90 پايىز داۋىس الىپ, جەڭٸسكە جەتتٸ دەپ حابارلاعان. ورتالىق ازيياداعى ەڭ كەدەي مەملەكەتتٸ 1992 جىلدان بەرٸ باسقارىپ وتىرعان راحمون وسىمەن بەسٸنشٸ پرەزيدەنت سايلاۋىنىڭ جەڭٸمپازى اتانىپ وتىر.
باتىس باقىلاۋشىلارى بۇعان دەيٸن تەجٸكستاندا ٶتكەن سايلاۋلاردىڭ ەشبٸرٸن ەركٸن, ەدٸل سايلاۋ دەپ تانىعان ەمەس. راحمون پوستسوۆەتتٸك ەلدەر اراسىندا بيلٸكتە بەلارۋس پرەزيدەنتٸ الەكساندر لۋكاشەنكودان دا ۇزاق وتىرعان اۆتوكرات باسشى رەتٸندە تانىمال.
سوڭعى پرەزيدەنت سايلاۋىنا راحمونعا شىنايى قارسىلاس سانالاتىن تالاپكەرلەر قاتىسقان جوق.
