Búgin qala turǵyndarymen esep berý kezdesýinde elorda ákimi Altai Kólginov jaýyn-shashyn kárizi júiesi máselesi qalai sheshilip jatqanyn aitty, dep habarlaidy QazAqparat.
«Jaýyn-shashyn kárizi júiesine qatysty syn kóp. Qala jyldam ósip kele jatyr. Tipti álemdegi, eń qarqyndy damýshy qalalardyń biri desek te bolady. Halq sany ósip, jańa joldar, jańa nysandar paida bolýda. Jańa shaǵyn aýdandar da salynyp jatyr. Injenerlik infraqurylym máselesi kúntártibinde tur. Jaýyn-shashyn kári júiesine bailanysty Elorda eco systems kásipornyn qurdyq. Ol dál osy máselemen ainalysady. Qalada birneshe problemaly ýchaske bar. Olar: Baýyrjan Momyshuly dańǵyly, J.Táshenov, Respýblika dańǵyly jaqtan A.Imanov kósheleri, Turan, Uly dala dańǵyldary. Momyshuly boiynsha jumysty aiaqtap, diametri úlken qubyr tósedik, qosymsha sorǵysh qoidyq. Úlken jums jasaldy. Qazirgi ýaqytta ol jerde burynǵydai problema joq», - dedi Altai Kólginov.
Onyń aitýynsha, Tashenov kóshesi buryn batpaqty jer bolǵan. Osy tusqa tazartý qondyrǵysy ornatyldy. Ol 42 myń tekshe metr jaýyn-shashyn sýyn jinap, tazartyp, odan keiin ózgenge aǵyzyp otyratyn bolady.
«Elorda eco systems kásiporyndary qudyqtardy tazartýmen de ainalysady. Máselen, Táshenov kóshesiniń boiyndaǵy bir ǵana ýchaskeden 30 myń tonnadan astam qoqys shyǵaryldy. Aryqtar men qudyqtan 2,5 myń tonna qoqys alyndy», - dedi ol.
Sondai-aq, elorda ákimi «Telman» turǵyn alabyndaǵy magistraldi kollektor men tazartý qondyrǵysy jumystarynyń aiaqtalǵanyn atap ótti. Onyń qýaty táýligine 36 myń tekshe metrdi quraidy. Bul jobany júzege asyrý «Telman» turǵyn alaby men № 27 kóshe boiyndaǵy jáne basqa da qurylysy qarqyndy júrip jatqan aýmaqty sý basýdan qorǵaýǵa múmkindik beredi.
