بٷگٸن قالا تۇرعىندارىمەن ەسەپ بەرۋ كەزدەسۋٸندە ەلوردا ەكٸمٸ التاي كٶلگٸنوۆ جاۋىن-شاشىن كەرٸزٸ جٷيەسٸ مەسەلەسٸ قالاي شەشٸلٸپ جاتقانىن ايتتى, دەپ حابارلايدى قازاقپارات.
«جاۋىن-شاشىن كەرٸزٸ جٷيەسٸنە قاتىستى سىن كٶپ. قالا جىلدام ٶسٸپ كەلە جاتىر. تٸپتٸ ەلەمدەگٸ, ەڭ قارقىندى دامۋشى قالالاردىڭ بٸرٸ دەسەك تە بولادى. حالق سانى ٶسٸپ, جاڭا جولدار, جاڭا نىساندار پايدا بولۋدا. جاڭا شاعىن اۋداندار دا سالىنىپ جاتىر. ينجەنەرلٸك ينفراقۇرىلىم مەسەلەسٸ كٷنتەرتٸبٸندە تۇر. جاۋىن-شاشىن كەرٸ جٷيەسٸنە بايلانىستى Elorda eco systems كەسٸپورنىن قۇردىق. ول دەل وسى مەسەلەمەن اينالىسادى. قالادا بٸرنەشە پروبلەمالى ۋچاسكە بار. ولار: باۋىرجان مومىشۇلى داڭعىلى, ج.تەشەنوۆ, رەسپۋبليكا داڭعىلى جاقتان ا.يمانوۆ كٶشەلەرٸ, تۇران, ۇلى دالا داڭعىلدارى. مومىشۇلى بويىنشا جۇمىستى اياقتاپ, ديامەترٸ ٷلكەن قۇبىر تٶسەدٸك, قوسىمشا سورعىش قويدىق. ٷلكەن جۇمس جاسالدى. قازٸرگٸ ۋاقىتتا ول جەردە بۇرىنعىداي پروبلەما جوق», - دەدٸ التاي كٶلگٸنوۆ.
ونىڭ ايتۋىنشا, تاشەنوۆ كٶشەسٸ بۇرىن باتپاقتى جەر بولعان. وسى تۇسقا تازارتۋ قوندىرعىسى ورناتىلدى. ول 42 مىڭ تەكشە مەتر جاۋىن-شاشىن سۋىن جيناپ, تازارتىپ, ودان كەيٸن ٶزگەنگە اعىزىپ وتىراتىن بولادى.
«Elorda eco systems كەسٸپورىندارى قۇدىقتاردى تازارتۋمەن دە اينالىسادى. مەسەلەن, تەشەنوۆ كٶشەسٸنٸڭ بويىنداعى بٸر عانا ۋچاسكەدەن 30 مىڭ توننادان استام قوقىس شىعارىلدى. ارىقتار مەن قۇدىقتان 2,5 مىڭ توننا قوقىس الىندى», - دەدٸ ول.
سونداي-اق, ەلوردا ەكٸمٸ «تەلمان» تۇرعىن الابىنداعى ماگيسترالدٸ كوللەكتور مەن تازارتۋ قوندىرعىسى جۇمىستارىنىڭ اياقتالعانىن اتاپ ٶتتٸ. ونىڭ قۋاتى تەۋلٸگٸنە 36 مىڭ تەكشە مەتردٸ قۇرايدى. بۇل جوبانى جٷزەگە اسىرۋ «تەلمان» تۇرعىن الابى مەن № 27 كٶشە بويىنداعى جەنە باسقا دا قۇرىلىسى قارقىندى جٷرٸپ جاتقان اۋماقتى سۋ باسۋدان قورعاۋعا مٷمكٸندٸك بەرەدٸ.
