Nur-Sultan qalasy máslihatynda 2021-2023 jyldarǵa arnalǵan biýdjet jobasy aiasynda salalarǵa qarajat bólý taqyryby qaraldy, dep habarlaidy "Ult aqparat".
Qalalyq Ekonomika jáne biýdjettik josparlaý basqarmasynyń basshysy Qaisar Mańqaraevtyń aitýynsha, úsh jyldyq biýdjettiń parametrleri aǵymdaǵy jaǵdaidy jáne 2025 jylǵa deiingi kezeńge arnalǵan elordanyń boljamdy kórsetkishterin eskere otyryp qalyptastyryldy.
«2021-2023 jyldary jetkizilgen limitterge sáikes, jeke kiristerdiń túsimi 1 trln 1 mlrd 376 mln teńgeni quraidy. Onyń ishinde 2021 jyly 319,7 mlrd teńge, 2022 jyly – 332,2 mlrd jáne 2023 jyly - 349,3 mlrd teńge. 2021 jyly jeke kiris kólemi 319,7 mlrd teńge somasynda baǵalanyp otyr, bul turǵyda 5 paiyz ósim qamtyldy», - dedi basqarma basshysy Biýdjet, ekonomika, ónerkásip jáne kásipkerlik máseleleri jónindegi turaqty komissiia otyrysynda.
Onyń ishinde salyq túsimderi 315,9 mlrd teńge, salyqtyq emes túsimder 1,1 mlrd teńge, sondai-aq negizgi kapitaldy satýdan keletin túsim 2,7 mlrd teńge boldy. Aldaǵy úsh jylda salyq túsimderi elordanyń jeke kiristeriniń jalpy kóleminiń 98 paiyzǵa jýyǵyn qamtamasyz etedi.
Q. Manqaraevtyń sózine qaraǵanda, jergilikti úsh jyldyq biýdjettiń shyǵysy 1 trln 1 mlrd 376 mln teńge somasynda josparlanǵan. Sáikesinshe, Onyń ishinde 2021 jyly 319,7 mlrd teńge, 2022 jyly – 332,2 mlrd, 2023 jyly 349,3 mlrd teńge jumsalmaq.
