نۇر-سۇلتان قالاسى مەسليحاتىندا 2021-2023 جىلدارعا ارنالعان بيۋدجەت جوباسى اياسىندا سالالارعا قاراجات بٶلۋ تاقىرىبى قارالدى, دەپ حابارلايدى "ۇلت اقپارات".
قالالىق ەكونوميكا جەنە بيۋدجەتتٸك جوسپارلاۋ باسقارماسىنىڭ باسشىسى قايسار ماڭقاراەۆتىڭ ايتۋىنشا, ٷش جىلدىق بيۋدجەتتٸڭ پارامەترلەرٸ اعىمداعى جاعدايدى جەنە 2025 جىلعا دەيٸنگٸ كەزەڭگە ارنالعان ەلوردانىڭ بولجامدى كٶرسەتكٸشتەرٸن ەسكەرە وتىرىپ قالىپتاستىرىلدى.
«2021-2023 جىلدارى جەتكٸزٸلگەن ليميتتەرگە سەيكەس, جەكە كٸرٸستەردٸڭ تٷسٸمٸ 1 ترلن 1 ملرد 376 ملن تەڭگەنٸ قۇرايدى. ونىڭ ٸشٸندە 2021 جىلى 319,7 ملرد تەڭگە, 2022 جىلى – 332,2 ملرد جەنە 2023 جىلى - 349,3 ملرد تەڭگە. 2021 جىلى جەكە كٸرٸس كٶلەمٸ 319,7 ملرد تەڭگە سوماسىندا باعالانىپ وتىر, بۇل تۇرعىدا 5 پايىز ٶسٸم قامتىلدى», - دەدٸ باسقارما باسشىسى بيۋدجەت, ەكونوميكا, ٶنەركەسٸپ جەنە كەسٸپكەرلٸك مەسەلەلەرٸ جٶنٸندەگٸ تۇراقتى كوميسسييا وتىرىسىندا.
ونىڭ ٸشٸندە سالىق تٷسٸمدەرٸ 315,9 ملرد تەڭگە, سالىقتىق ەمەس تٷسٸمدەر 1,1 ملرد تەڭگە, سونداي-اق نەگٸزگٸ كاپيتالدى ساتۋدان كەلەتٸن تٷسٸم 2,7 ملرد تەڭگە بولدى. الداعى ٷش جىلدا سالىق تٷسٸمدەرٸ ەلوردانىڭ جەكە كٸرٸستەرٸنٸڭ جالپى كٶلەمٸنٸڭ 98 پايىزعا جۋىعىن قامتاماسىز ەتەدٸ.
ق. مانقاراەۆتىڭ سٶزٸنە قاراعاندا, جەرگٸلٸكتٸ ٷش جىلدىق بيۋدجەتتٸڭ شىعىسى 1 ترلن 1 ملرد 376 ملن تەڭگە سوماسىندا جوسپارلانعان. سەيكەسٸنشە, ونىڭ ٸشٸندە 2021 جىلى 319,7 ملرد تەڭگە, 2022 جىلى – 332,2 ملرد, 2023 جىلى 349,3 ملرد تەڭگە جۇمسالماق.
