2020 jyldyń kúzinen bastap elorda turǵyndaryna gaz berile bastaidy. Bul týraly búgin Úkimet úiindegi baspasóz máslihatynda QR Energetika vitse-ministri Murat Júrebekov aitty, dep habarlaidy QazAqparat.
«Saryarqa» magistraldy gaz qubyryna qosylý úshin Nur-Sultan qalasynyń, Qaraǵandy men Aqmola oblystarynyń ákimdikteri gaz taratý jelilerin salýy tiis. Nur-Sultan qalasynda gaz taratý jelisin salý 2025 jylǵa deiingi qurylys merzimimen úsh kezeńge bólingen. Qala ákimdigi 9 iske qosý kesheni bar 1-kezeńniń jobalyq-smetalyq qujattamasyna memlekettik saraptamanyń oń qorytyndysyn aldy», - dedi vitse-ministr.
Onyń aitýynsha, birinshi kezeńdi júzege asyrý úshin biyl respýblikalyq biýdjetten 2,2 mlrd teńge bólingen. Atalǵan qarajattyń 550 mln teńgesi 1-inshi jáne 2-iske qosý keshenine, 1,7 mlrd teńge 3-inshi jáne 6-iske qosý keshenderin salýǵa jumsalady.
«Barlyq 9 iske qosý kesheni boiynsha merdiger uiymdar anyqtalyp, qurylys-montajdaý jumystary bastaldy. 1-inshi, 2-iske qosý keshenderi Jylý elektr stansasyna jeli tartýdy kózdeidi. Qazirgi ýaqytta 4 shaqyrym nemese 15,4 paiyz qubyr tóseldi. JES-1, 3-ke arnalǵan gazdy retteý beketiniń i etti barlyq qural-jabdyqtar men 100 paiyz qubyr ónimderin jetkizý kútiledi. 3-ten bastap 6-shy iske qosý keshenderi Kóktal-1, 2 turǵyn úi alaptaryna gaz taratý jelilerin qamtidy. Bul keshender aiasynda 14 shaqyrym nemese 78 paiyz qubyr jetkizildi. Kóktal shaǵyn aýdanynda 4 gaz retteý beketiniń irgetasyn daiyndaý jumystary aiaqtaldy. Jyldyń sońyna deiin 4 gaz retteý beketin jáne 100 paiyz qubyr ónimderin jetkizý kútiledi», - dedi vitse-ministr.
Murat Júrebekov 7-den bastap 9-shy iske qosý keshenderi Ońtústik-Shyǵys, Jeleznodorojnyi turǵyn úi alaptaryna gaz jetkizýdi kózdeitindigin aitty. Bul baǵytta osy jyldyń sońyna deiin 9 shaqyrym qubyr ónimderi jetkizilmek.
«Birinshi kezeń men 9-iske qosý kesheni qurylysynyń tolyqtai aiaqtalýy kelesi jyldyń jylý berý maýsymyna, iaǵni 2020 jyldyń kúzine josparlanǵan», - dedi ol.
