2020 جىلدىڭ كٷزٸنەن باستاپ ەلوردا تۇرعىندارىنا گاز بەرٸلە باستايدى. بۇل تۋرالى بٷگٸن ٷكٸمەت ٷيٸندەگٸ باسپاسٶز مەسليحاتىندا قر ەنەرگەتيكا ۆيتسە-مينيسترٸ مۇرات جٷرەبەكوۆ ايتتى, دەپ حابارلايدى قازاقپارات.
«سارىارقا» ماگيسترالدى گاز قۇبىرىنا قوسىلۋ ٷشٸن نۇر-سۇلتان قالاسىنىڭ, قاراعاندى مەن اقمولا وبلىستارىنىڭ ەكٸمدٸكتەرٸ گاز تاراتۋ جەلٸلەرٸن سالۋى تيٸس. نۇر-سۇلتان قالاسىندا گاز تاراتۋ جەلٸسٸن سالۋ 2025 جىلعا دەيٸنگٸ قۇرىلىس مەرزٸمٸمەن ٷش كەزەڭگە بٶلٸنگەن. قالا ەكٸمدٸگٸ 9 ٸسكە قوسۋ كەشەنٸ بار 1-كەزەڭنٸڭ جوبالىق-سمەتالىق قۇجاتتاماسىنا مەملەكەتتٸك ساراپتامانىڭ وڭ قورىتىندىسىن الدى», - دەدٸ ۆيتسە-مينيستر.
ونىڭ ايتۋىنشا, بٸرٸنشٸ كەزەڭدٸ جٷزەگە اسىرۋ ٷشٸن بيىل رەسپۋبليكالىق بيۋدجەتتەن 2,2 ملرد تەڭگە بٶلٸنگەن. اتالعان قاراجاتتىڭ 550 ملن تەڭگەسٸ 1-ٸنشٸ جەنە 2-ٸسكە قوسۋ كەشەنٸنە, 1,7 ملرد تەڭگە 3-ٸنشٸ جەنە 6-ٸسكە قوسۋ كەشەندەرٸن سالۋعا جۇمسالادى.
«بارلىق 9 ٸسكە قوسۋ كەشەنٸ بويىنشا مەردٸگەر ۇيىمدار انىقتالىپ, قۇرىلىس-مونتاجداۋ جۇمىستارى باستالدى. 1-ٸنشٸ, 2-ٸسكە قوسۋ كەشەندەرٸ جىلۋ ەلەكتر ستانساسىنا جەلٸ تارتۋدى كٶزدەيدٸ. قازٸرگٸ ۋاقىتتا 4 شاقىرىم نەمەسە 15,4 پايىز قۇبىر تٶسەلدٸ. جەس-1, 3-كە ارنالعان گازدى رەتتەۋ بەكەتٸنٸڭ ٸ ەتتٸ بارلىق قۇرال-جابدىقتار مەن 100 پايىز قۇبىر ٶنٸمدەرٸن جەتكٸزۋ كٷتٸلەدٸ. 3-تەن باستاپ 6-شى ٸسكە قوسۋ كەشەندەرٸ كٶكتال-1, 2 تۇرعىن ٷي الاپتارىنا گاز تاراتۋ جەلٸلەرٸن قامتيدى. بۇل كەشەندەر اياسىندا 14 شاقىرىم نەمەسە 78 پايىز قۇبىر جەتكٸزٸلدٸ. كٶكتال شاعىن اۋدانىندا 4 گاز رەتتەۋ بەكەتٸنٸڭ ٸرگەتاسىن دايىنداۋ جۇمىستارى اياقتالدى. جىلدىڭ سوڭىنا دەيٸن 4 گاز رەتتەۋ بەكەتٸن جەنە 100 پايىز قۇبىر ٶنٸمدەرٸن جەتكٸزۋ كٷتٸلەدٸ», - دەدٸ ۆيتسە-مينيستر.
مۇرات جٷرەبەكوۆ 7-دەن باستاپ 9-شى ٸسكە قوسۋ كەشەندەرٸ وڭتٷستٸك-شىعىس, جەلەزنودوروجنىي تۇرعىن ٷي الاپتارىنا گاز جەتكٸزۋدٸ كٶزدەيتٸندٸگٸن ايتتى. بۇل باعىتتا وسى جىلدىڭ سوڭىنا دەيٸن 9 شاقىرىم قۇبىر ٶنٸمدەرٸ جەتكٸزٸلمەك.
«بٸرٸنشٸ كەزەڭ مەن 9-ٸسكە قوسۋ كەشەنٸ قۇرىلىسىنىڭ تولىقتاي اياقتالۋى كەلەسٸ جىلدىڭ جىلۋ بەرۋ ماۋسىمىنا, ياعني 2020 جىلدىڭ كٷزٸنە جوسپارلانعان», - دەدٸ ول.
