Gaz tartylǵannan keiin elordada jylý tarifi qymbattaidy. Bul týraly Ortalyq kommýnikatsiialar qyzmetinde ótken brifingte qala ákiminiń orynbasary Ermek Qizatov aitty.
«Jylý tarifi aitarlyqtai sharyqtap ketpeidi. Sharshy metrine alǵanda az ǵana qymbattaidy», - deidi qala ákiminiń orynbasary.
Onyń aitýynsha, gazben qamtý jobasyn iske qosý kezeń-kezeńimen iske asady.
«Biz kómirden birden bas tartpaimyz. Munyń bári shamamen bes jyl ishinde júzege asady. Sol sebepti jylý baǵasy birden qymbattap ketpeidi», - deidi ol.
Sondai-aq, jeke sektorlardyń gaz nemese kómir qoldanýda tańdaý múmkindigi bar.
«Ákimdiktiń maqsaty - gaz qoldaný úshin barlyq jaǵdaidy jasaý. Elordada gazdyń baǵasy kómirden arzan bolmaidy. Oǵan eki sebep bar, onyń biri - jol shyǵyny. Kómir Pavlodar, Qaraǵandy siiaqty kórshi oblystardan alynsa, gaz keminde myń shaqyrymdyq jerden tartylady. Gaz tasymaldaý - aitarlyqtai shyǵyny mol jumys. Ekinshi sebep - qazyp alatyn kómir men qubyr arqyly keletin gazdyń aitarlyqtai aiyrmashylyǵy bar, sol sebepti gaz birneshe ese qymbat bolady. Degenmen, gaz tartýdyń artyqshylyǵy kóp», - deidi Ermek Qizatov.
