گاز تارتىلعاننان كەيٸن ەلوردادا جىلۋ تاريفٸ قىمباتتايدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە قالا ەكٸمٸنٸڭ ورىنباسارى ەرمەك قيزاتوۆ ايتتى.
«جىلۋ تاريفٸ ايتارلىقتاي شارىقتاپ كەتپەيدٸ. شارشى مەترٸنە العاندا از عانا قىمباتتايدى», - دەيدٸ قالا ەكٸمٸنٸڭ ورىنباسارى.
ونىڭ ايتۋىنشا, گازبەن قامتۋ جوباسىن ٸسكە قوسۋ كەزەڭ-كەزەڭٸمەن ٸسكە اسادى.
«بٸز كٶمٸردەن بٸردەن باس تارتپايمىز. مۇنىڭ بەرٸ شامامەن بەس جىل ٸشٸندە جٷزەگە اسادى. سول سەبەپتٸ جىلۋ باعاسى بٸردەن قىمباتتاپ كەتپەيدٸ», - دەيدٸ ول.
سونداي-اق, جەكە سەكتورلاردىڭ گاز نەمەسە كٶمٸر قولدانۋدا تاڭداۋ مٷمكٸندٸگٸ بار.
«ەكٸمدٸكتٸڭ ماقساتى - گاز قولدانۋ ٷشٸن بارلىق جاعدايدى جاساۋ. ەلوردادا گازدىڭ باعاسى كٶمٸردەن ارزان بولمايدى. وعان ەكٸ سەبەپ بار, ونىڭ بٸرٸ - جول شىعىنى. كٶمٸر پاۆلودار, قاراعاندى سيياقتى كٶرشٸ وبلىستاردان الىنسا, گاز كەمٸندە مىڭ شاقىرىمدىق جەردەن تارتىلادى. گاز تاسىمالداۋ - ايتارلىقتاي شىعىنى مول جۇمىس. ەكٸنشٸ سەبەپ - قازىپ الاتىن كٶمٸر مەن قۇبىر ارقىلى كەلەتٸن گازدىڭ ايتارلىقتاي ايىرماشىلىعى بار, سول سەبەپتٸ گاز بٸرنەشە ەسە قىمبات بولادى. دەگەنمەن, گاز تارتۋدىڭ ارتىقشىلىعى كٶپ», - دەيدٸ ەرمەك قيزاتوۆ.
