Qazannyń 25-inen 26-syna qaraǵan túni halyqaralyq reister boiynsha elordanyń áýejaiyna 6 ushaq kelip qondy, dep habarlaidy "Ult aqparat".
Áýe reisterin Air Astana, Turkish Airlines,Belavia jáne Flydubai áýe kompaniialary oryndaǵan. Kelgen 722 jolaýshynyń ishinde 108-inde PTR-test anyqtamasy bolmaǵan. Olardyń bári de statsionarlyq karantinge jatqyzyldy. PTR-testten ótkennen keiin atalmysh jolaýshylarda virýs anyqtalmasa úiine, anyqtalsa infektsiialyq statsionarǵa barady.
2020 jyldyń 27 qazanynan bastap QR bas memlekettik sanitarlyq dáriger Erlan Qiiasovtyń jańa qaýlysy kúshine enedi. Oǵan sáikes memlekettik shekaralardaǵy ótkizý pýnkterinde koronavirýs infektsiiasynyń taralýyn boldyrmaý maqsatynda sharalar kúsheitilmek. Jańa qaýly boiynsha Qazaqstanǵa kelgen azamat kem degende úsh kún buryn PTR-testten ótkeni týraly anyqtamany tapsyrýy kerek. 5 jasqa deiingi balalardan bul talap etilmeidi. Alaida kishkentai balany alyp júrgen ókilinde osyndai anyqtama bolýy tiis.
Halyqaralyq tranzittik jolaýshylar tranzittik aýmaqtan ketpeýi kerek.
Áýe kompaniialarynyń basshylary qonǵan áýe kemesiniń bortyna PTR-anyqtamasy joq shetel azamattaryn kirgizbeýi tiis.
