قازاننىڭ 25-ٸنەن 26-سىنا قاراعان تٷنٸ حالىقارالىق رەيستەر بويىنشا ەلوردانىڭ ەۋەجايىنا 6 ۇشاق كەلٸپ قوندى, دەپ حابارلايدى "ۇلت اقپارات".
ەۋە رەيستەرٸن Air Astana, Turkish Airlines,Belavia جەنە Flydubai ەۋە كومپانييالارى ورىنداعان. كەلگەن 722 جولاۋشىنىڭ ٸشٸندە 108-ٸندە پتر-تەست انىقتاماسى بولماعان. ولاردىڭ بەرٸ دە ستاتسيونارلىق كارانتينگە جاتقىزىلدى. پتر-تەستتەن ٶتكەننەن كەيٸن اتالمىش جولاۋشىلاردا ۆيرۋس انىقتالماسا ٷيٸنە, انىقتالسا ينفەكتسييالىق ستاتسيونارعا بارادى.
2020 جىلدىڭ 27 قازانىنان باستاپ قر باس مەملەكەتتٸك سانيتارلىق دەرٸگەر ەرلان قيياسوۆتىڭ جاڭا قاۋلىسى كٷشٸنە ەنەدٸ. وعان سەيكەس مەملەكەتتٸك شەكارالارداعى ٶتكٸزۋ پۋنكتەرٸندە كوروناۆيرۋس ينفەكتسيياسىنىڭ تارالۋىن بولدىرماۋ ماقساتىندا شارالار كٷشەيتٸلمەك. جاڭا قاۋلى بويىنشا قازاقستانعا كەلگەن ازامات كەم دەگەندە ٷش كٷن بۇرىن پتر-تەستتەن ٶتكەنٸ تۋرالى انىقتامانى تاپسىرۋى كەرەك. 5 جاسقا دەيٸنگٸ بالالاردان بۇل تالاپ ەتٸلمەيدٸ. الايدا كٸشكەنتاي بالانى الىپ جٷرگەن ٶكٸلٸندە وسىنداي انىقتاما بولۋى تيٸس.
حالىقارالىق ترانزيتتٸك جولاۋشىلار ترانزيتتٸك اۋماقتان كەتپەۋٸ كەرەك.
ەۋە كومپانييالارىنىڭ باسشىلارى قونعان ەۋە كەمەسٸنٸڭ بورتىنا پتر-انىقتاماسى جوق شەتەل ازاماتتارىن كٸرگٸزبەۋٸ تيٸس.
