18 qazan kúni Nur-Sultan qalasynda Rýhani kelisim kúni men Dúniejúzilik rýhani mádeniet forýmynyń 10 jyldyǵy aiasynda «Rýhani kelisim – beibitshiliktiń negizi» taqyrybynda halyqaralyq konferentsiia ótti, dep habarlaidy "Ult aqparat".
Sharaǵa Qazaqstan Respýblikasy Aqparat jáne qoǵamdyq damý vitse-ministri – M.Ázilhanov, Konfessiiaaralyq jáne órkenietaralyq dialogty damytý jónindegi N.Nazarbaev ortalyǵynyń Basqarma tóraǵasy – A.Ábibýllaev, Nur-Sultan qalasy ákimdiginiń Din isteri basqarmasynyń basshysy Nurdaýlet Álmuhanov, «Beibitshilikke mádeniet arqyly» halyqaralyq qaýymdastyǵynyń prezidenti – T.Muhamedjanov, sondai-aq Resei, AQSh, Úndistan, Avstriia, Shveitsariia, Germaniia, Livan jáne basqa elderden belgili memleket jáne qoǵam qairatkerleri, dini birlestikter men azamattyq qoǵam institýttarynyń ókilderi, ǵylymi qoǵamdastyq ókilderi, halyqaralyq sarapshylar qatysty.
Konferentsiianyń maqsaty - azamattardy ortaq rýhani-adamgershilik qundylyqtarǵa toptastyryp, qazaqstandyq qoǵamda jáne búkil álemde beibitshilik pen turaqtylyq, toleranttylyq, rýhani kelisim ideialaryn nasihattaý.
Konferentsiia barysynda qatysýshylar memlekettik-konfessiialyq jáne konfessiiaaralyq qatynastar salasyndaǵy ózekti máselelerdi, ulttyq ideiaǵa negizdelgen qazaqstandyq biregeilikti nyǵaitý mindetterin, sondai-aq elde jáne álemde dinaralyq dialog pen ózara túsinistikti ilgeriletýde azamattyq qoǵamnyń róliniń artýyn talqylady.
Eske sala keteiik, Rýhani kelisim kúnin atap ótý tarihy 1992 jyly qazan aiynda Almaty qalasynda Qazaqstan Respýblikasynyń Tuńǵysh Prezidenti – Elbasy Nursultan Nazarbaevtyń bastamasymen uiymdastyrylǵan alǵashqy Dúniejúzilik rýhani kelisim kongresin ótkizýmen bailanysty.
Sharaǵa qatysýshylar janjaldar men qaqtyǵystarǵa moratorii jariialaý kúni, tatýlasý kúni, jaqynyńa meiirimdilik pen kómek kórsetý kúni retinde - 18 qazandy Rýhani kelisim kúni dep jariialaýǵa shaqyrdy.
