18 قازان كٷنٸ نۇر-سۇلتان قالاسىندا رۋحاني كەلٸسٸم كٷنٸ مەن دٷنيەجٷزٸلٸك رۋحاني مەدەنيەت فورۋمىنىڭ 10 جىلدىعى اياسىندا «رۋحاني كەلٸسٸم – بەيبٸتشٸلٸكتٸڭ نەگٸزٸ» تاقىرىبىندا حالىقارالىق كونفەرەنتسييا ٶتتٸ, دەپ حابارلايدى "ۇلت اقپارات".
شاراعا قازاقستان رەسپۋبليكاسى اقپارات جەنە قوعامدىق دامۋ ۆيتسە-مينيسترٸ – م.ەزٸلحانوۆ, كونفەسسيياارالىق جەنە ٶركەنيەتارالىق ديالوگتى دامىتۋ جٶنٸندەگٸ ن.نازارباەۆ ورتالىعىنىڭ باسقارما تٶراعاسى – ا.ەبيبۋللاەۆ, نۇر-سۇلتان قالاسى ەكٸمدٸگٸنٸڭ دٸن ٸستەرٸ باسقارماسىنىڭ باسشىسى نۇرداۋلەت ەلمۇحانوۆ, «بەيبٸتشٸلٸككە مەدەنيەت ارقىلى» حالىقارالىق قاۋىمداستىعىنىڭ پرەزيدەنتٸ – ت.مۇحامەدجانوۆ, سونداي-اق رەسەي, اقش, ٷندٸستان, اۆسترييا, شۆەيتسارييا, گەرمانييا, ليۆان جەنە باسقا ەلدەردەن بەلگٸلٸ مەملەكەت جەنە قوعام قايراتكەرلەرٸ, دٸني بٸرلەستٸكتەر مەن ازاماتتىق قوعام ينستيتۋتتارىنىڭ ٶكٸلدەرٸ, عىلىمي قوعامداستىق ٶكٸلدەرٸ, حالىقارالىق ساراپشىلار قاتىستى.
كونفەرەنتسييانىڭ ماقساتى - ازاماتتاردى ورتاق رۋحاني-ادامگەرشٸلٸك قۇندىلىقتارعا توپتاستىرىپ, قازاقستاندىق قوعامدا جەنە بٷكٸل ەلەمدە بەيبٸتشٸلٸك پەن تۇراقتىلىق, تولەرانتتىلىق, رۋحاني كەلٸسٸم يدەيالارىن ناسيحاتتاۋ.
كونفەرەنتسييا بارىسىندا قاتىسۋشىلار مەملەكەتتٸك-كونفەسسييالىق جەنە كونفەسسيياارالىق قاتىناستار سالاسىنداعى ٶزەكتٸ مەسەلەلەردٸ, ۇلتتىق يدەياعا نەگٸزدەلگەن قازاقستاندىق بٸرەگەيلٸكتٸ نىعايتۋ مٸندەتتەرٸن, سونداي-اق ەلدە جەنە ەلەمدە دٸنارالىق ديالوگ پەن ٶزارا تٷسٸنٸستٸكتٸ ٸلگەرٸلەتۋدە ازاماتتىق قوعامنىڭ رٶلٸنٸڭ ارتۋىن تالقىلادى.
ەسكە سالا كەتەيٸك, رۋحاني كەلٸسٸم كٷنٸن اتاپ ٶتۋ تاريحى 1992 جىلى قازان ايىندا الماتى قالاسىندا قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ باستاماسىمەن ۇيىمداستىرىلعان العاشقى دٷنيەجٷزٸلٸك رۋحاني كەلٸسٸم كونگرەسٸن ٶتكٸزۋمەن بايلانىستى.
شاراعا قاتىسۋشىلار جانجالدار مەن قاقتىعىستارعا موراتوريي جارييالاۋ كٷنٸ, تاتۋلاسۋ كٷنٸ, جاقىنىڭا مەيٸرٸمدٸلٸك پەن كٶمەك كٶرسەتۋ كٷنٸ رەتٸندە - 18 قازاندى رۋحاني كەلٸسٸم كٷنٸ دەپ جارييالاۋعا شاقىردى.
