Astanada Qytai Halyq Respýblikasynyń Qazaqstandaǵy Elshiligi men Qytaidy zertteý ortalyǵy birlesip uiymdastyrǵan «Qytai tájiribesi jáne Si Tszinpinniń partiialyq qurylys ideialarynyń jahandyq mańyzy» atty seminar ótti, dep habarlaidy ult.kz.
Is-shara barysynda Qytai men Qazaqstannyń memlekettik organdary, sarapshylyq, akademiialyq jáne media qaýymdastyq ókilderi partiialyq qurylys salasyndaǵy teoriialyq jańashyldyqtar, praktikalyq tájiribe jáne onyń halyqaralyq mańyzy jóninde pikir almasty.
Foto: ult.kz
Seminarda sóz sóilegen Qytaidyń Qazaqstandaǵy Tótenshe jáne ókiletti elshisi Han Chýnlin qatysýshylarǵa alǵys bildirip, eki el arasyndaǵy dostyq pen yntymaqtastyqty damytýǵa úles qosyp júrgen azamattarǵa rizashylyǵyn jetkizdi. Sondai-aq biyl Qytai Kommýnistik partiiasynyń qurylǵanyna 105 jyl tolyp otyrǵanyn atap ótti.
«Osy bir ǵasyrdan astam ýaqyt ishinde partiia talai synaqtan ótip, aýqymdy tarihi ózgeristerdi bastan keshirdi. Qurylǵan kezde nebári 50-den astam múshesi bolǵan Qytai Kommýnistik partiiasy búginde 100 millionnan astam múshesi bar, álemdegi eń iri bileýshi partiiaǵa ainalyp, jahandyq deńgeide zor yqpalǵa ie boldy.
Partiianyń basshylyǵymen Qytai halqy ulttyq táýelsizdik pen halyqtyń azattyǵyna qol jetkizip, ekonomikanyń qarqyndy damýy men qoǵamnyń uzaq merzimdi turaqtylyǵy siiaqty eki uly jetistikke jetti. Osylaisha, adamzat tarihynda teńdesi joq damý jolyn qalyptastyrdy.
Búginde álem Qytaidy burynǵydan da tereńirek túsinýge umtylýda. Alaida «Qytaidy basqarýdy» túsiný úshin eń aldymen «Qytai Kommýnistik partiiasynyń basqarý júiesin» túsiný qajet. Al qazirgi Qytai Kommýnistik partiiasynyń qyzmetin jan-jaqty uǵyný úshin, eń aldymen, Si Tszinpinniń partiia qurylysyn nyǵaitý jónindegi ideialaryn túsiný mańyzdy», – dedi elshi.
Elshi baiandamasynda Si Tszinpinniń partiialyq qurylys jónindegi ideialarynyń negizinde partiianyń birligi men turaqtylyǵyn saqtaý, halyq múddesin basty orynǵa qoiý, tiimdi uiymdastyrý júiesin qalyptastyrý jáne ózin-ózi jańǵyrtý qaǵidattary jatqanyn aitty. Onyń sózinshe, bul ustanymdar Qytaidyń uzaq merzimdi damýy men memlekettik basqarý júiesiniń tiimdiligin qamtamasyz etýge baǵyttalǵan.
Si Tszinpin ideialarynyń halyqaralyq mańyzyna toqtalǵan Han Chýnlin myrza álem elderine damý jolyn tańdaýda, partiialyq basqarýdy jetildirýde, memlekettik basqarý tiimdiligin arttyrýda jáne halyqaralyq partiiaaralyq yntymaqtastyqty damytýda tájiribe usynatynyn málimdedi. Sonymen qatar Qytai óz modelin ózgelerge tańýdy maqsat etpeitinin, ár memlekettiń óz tarihi ereksheligi men ulttyq jaǵdaiyna sai damý jolyn tańdaýy qajet ekenin atap ótti.
Foto: ult.kz
Elshi Qytai men Qazaqstan arasyndaǵy qarym-qatynasqa da arnaiy toqtalyp, eki eldiń turaqty jan-jaqty strategiialyq áriptestigi jańa kezeńge qadam basqanyn aitty. Onyń pikirinshe, Qazaqstan men Qytai memlekettik basqarý, kadr daiarlaý, sybailas jemqorlyqqa qarsy saiasat jáne jańǵyrtý baǵyttarynda tájiribe almasýdy jalǵastyrýǵa múddeli.
«Bizdiń elderimizdiń tarihi joly men damý jaǵdailary ártúrli bolǵanymen, ekeýi de ózderiniń naqty jaǵdaiyna súiene otyryp, turaqtylyqty saqtaýdy, ekonomikalyq ósýdi qamtamasyz etýdi, halyqtyń turmys deńgeiin arttyrýdy jáne adami kapitaldy damytýdy basty maqsat etedi», – dedi Qytai elshisi.
Han Chýnlin Qytai tarapy Qazaqstannyń saiasi partiialarymen, memlekettik organdarymen, ǵylymi ortalyqtary jáne joǵary oqý oryndarymen yntymaqtastyqty odan ári damytýǵa daiyn ekenin jetkizdi. Onyń aitýynsha, mundai dialog eki eldiń ózara túsinistigin nyǵaityp, basqarý tájiribesi boiynsha ózara tájiribe almasýǵa múmkindik beredi.
Seminar barysynda Qytai men Qazaqstannyń jetekshi sarapshylary men ǵalymdary Si Tszinpinniń partiia qurylysy týraly ideialarynyń teoriialyq jáne praktikalyq mańyzyn talqylady. Baiandamalarda partiialyq tártip, memlekettik basqarýdyń tiimdiligi, kadr daiarlaý, tsifrlandyrý, jasandy intellekt, sybailas jemqorlyqqa qarsy kúres, strategiialyq josparlaý jáne halyqaralyq yntymaqtastyq máseleleri qamtyldy. Qatysýshylar Qytai tájiribesin ulttyq erekshelikterdi eskere otyryp zerdeleýdiń memlekettik basqarý júiesin jetildirý men Qazaqstan–Qytai yntymaqtastyǵyn damytý úshin mańyzdy ekenin atap ótti.
Foto: ult.kz
Seminarǵa qatysýshylarǵa beineúndeý joldaǵan QKP OK Partiia tarihy men ádebieti institýtynyń Halyqaralyq bailanystar basqarmasynyń burynǵy direktory, aǵa ǵylymi qyzmetker Ian Minvei baiandamasyn partiialyq tártip máselesine arnady. Ol belgilengen qaǵidalardy dáiekti túrde saqtaý, jeke jaýapkershilik jáne tártiptik baqylaýdyń tiimdi tetigi memlekettik basqarý júiesiniń turaqtylyǵy men tiimdiligin qamtamasyz etetin mańyzdy sharttar ekenin atap ótti.
Foto: ult.kz
Eýraziialyq halyqaralyq zertteýler qaýymdastyǵynyń atqarýshy direktory Qairat Batyrbaev partiia qurylysyn eń aldymen memlekettik basqarýdyń institýtsionaldyq tetigi retinde qarastyrdy. Ol strategiialyq sabaqtastyq, kadr daiarlaý, atqarýshylyq tártip jáne qabyldanǵan sheshimderdiń oryndalýyn baqylaý máselelerine erekshe nazar aýdaryp, memlekettik basqarýdyń ártúrli úlgilerine salystyrmaly taldaý jasady.
Al Qazaqstan Respýblikasy Syrtqy ister ministrligi janyndaǵy Syrtqy saiasi zertteýler institýtynyń aǵa zertteýshisi Ulan Nuhitjan Si Tszinpinniń partiia qurylysy týraly ideialaryn zerdeleý Qytaidyń uzaq merzimdi saiasi baǵyty men memlekettik sheshim qabyldaý tetikterin tereńirek túsinýge múmkindik beretinin atap ótti. Onyń aitýynsha, bul Qazaqstan men Qytai arasyndaǵy ekijaqty yntymaqtastyqty damytý úshin de praktikalyq mańyzǵa ie.
Foto: ult.kz
