Nur-Sultan qalalyq qoǵamdyq densaýlyq saqtaý basqarmasynyń basshysy Timýr Muratov koronavirýsqa qarsy vaktsina alatyn patsientterdiń baǵyt-baǵdaryn jariia etti, dep habarlaidy QazAqparat.
«Emhananyń kireberisinde egý kabinetine kórsetilgen baǵdarlar ornatylǵan. Tirkeý bólmesinde patsientti vaktsina alý úshin dárigerge jazaly jáne KVI-ǵa qarsy vaktsinany alý úshin is-áreket algoritmin túsindiredi», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, osydan keiin dáriger patsienttiń dene qyzýyn, saiýratsiia, júrek qaǵysynyń jiiligin, qan qysymyn, tynys alý jáne júrek qan-tamyrlarynyń aýskýltatsiiasyn jáne tamaǵyn tekseredi. Sodan soń orta meditsinalyq qyzmetker patsientti kezekpen emshara bólmesine shaqyrady jáne vaktsinatsiia jasalady.
«Vaktsinatsiiadan keiin patsientke «KVI-ǵa qarsy vaktsina egildi. Meditsinalyq baqylaý ýaqyty - 30 minýt!» degen beidj taratylady. Meditsinalyq qyzmetkerdiń baqylaýymen emhananyń kútý zalynda 30 minýt mindetti túrde bolý qajettiligi eskertiledi. Naýqas kútý zalyna jiberiledi jáne 30 minýt kútedi. 30 minýttan keiin meditsinalyq maman patsienttiń densaýlyq jaǵdaiyn baǵalaidy jáne beidjdi qaita alyp, ony úiine jiberedi. Ýchaskelik dáriger 3 kún ishinde naýqasqa qashyqtyqtan baqylaý júrgizedi. 21-kúni patsient vaktsinanyń 2-shi dozasyn alýǵa keledi», - dedi Timýr Muratov.
Aita keteiik, búgin Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy. Qazaqstanda vaktsina erikti túrde salynady.
Elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat koronavirýsqa qarsy vaktsina saldyrdy.
