Elordalyq órt sóndirýshiler avtojýý nysanyndaǵy jalyndy sóndirdi, dep habarlaidy "Ult aqparat" Nur-Sultan qalasy TJD baspasóz qyzmetine silteme jasap.
Oqys oqiǵa búgin, iaǵni 7 qańtar saǵat 08: 52-de Nur-Sultan qalasy Esenberlin kóshesi, 26/1 mekenjaiynda ornalasqan avtokólik jýý ornynda tirkelgen.
Onyń ishinde kólik janyp jatqany týraly kelip túsken shaqyrýǵa Nur-Sultan qalasynyń TJD Órt sóndirý bólimshelerinen 9 tehnika men jeke quramnan 15 adam jumyldyrylǵan.
«Órt sóndirýshiler saǵat 08:59 shamasynda kelgen boida «Batyr» kólik jýý ornynyń eki qabatty ǵimaratynda kólikter janyp jatqany anyqtaldy. Aldyn ala boljam boiynsha 13 jeńil avtokólikke zaqym kelgen. Avtokólik jýatyn oryn avtokóliktermen tyǵyz toltyrylǵandyqtan otty aýyzdyqtaý biraz qiynǵa soqty, biraq órt sóndirýshilerdiń jedel jáne saýatty is-qimylynyń arqasynda tilsiz jaý sóndirildi. Qaza bolǵandar men zardap shekkender joq. Órttiń shyǵý sebebi anyqtalyp jatyr», - deidi ministrlikten.
Nur-Sultan qalasy TJD azamattarǵa, TQS jáne basqa da kásiporyndardyń ielerine qarapaiym órt qaýipsizdigi erejelerin saqtaýǵa, turmystyq tehnikany, elektr qurylǵysyn paidalaný jónindegi nusqaýlyqty saqtaýǵa, elektr symdarynyń oqshaýlaǵyshy zaqymdalǵan aspaptardy paidalanbaýǵa keńes beredi.
