ەلوردالىق ٶرت سٶندٸرۋشٸلەر اۆتوجۋۋ نىسانىنداعى جالىندى سٶندٸردٸ, دەپ حابارلايدى "ۇلت اقپارات" نۇر-سۇلتان قالاسى تجد باسپاسٶز قىزمەتٸنە سٸلتەمە جاساپ.
وقىس وقيعا بٷگٸن, ياعني 7 قاڭتار ساعات 08: 52-دە نۇر-سۇلتان قالاسى ەسەنبەرلين كٶشەسٸ, 26/1 مەكەنجايىندا ورنالاسقان اۆتوكٶلٸك جۋۋ ورنىندا تٸركەلگەن.
ونىڭ ٸشٸندە كٶلٸك جانىپ جاتقانى تۋرالى كەلٸپ تٷسكەن شاقىرۋعا نۇر-سۇلتان قالاسىنىڭ تجد ٶرت سٶندٸرۋ بٶلٸمشەلەرٸنەن 9 تەحنيكا مەن جەكە قۇرامنان 15 ادام جۇمىلدىرىلعان.
«ٶرت سٶندٸرۋشٸلەر ساعات 08:59 شاماسىندا كەلگەن بويدا «باتىر» كٶلٸك جۋۋ ورنىنىڭ ەكٸ قاباتتى عيماراتىندا كٶلٸكتەر جانىپ جاتقانى انىقتالدى. الدىن الا بولجام بويىنشا 13 جەڭٸل اۆتوكٶلٸككە زاقىم كەلگەن. اۆتوكٶلٸك جۋاتىن ورىن اۆتوكٶلٸكتەرمەن تىعىز تولتىرىلعاندىقتان وتتى اۋىزدىقتاۋ بٸراز قيىنعا سوقتى, بٸراق ٶرت سٶندٸرۋشٸلەردٸڭ جەدەل جەنە ساۋاتتى ٸس-قيمىلىنىڭ ارقاسىندا تٸلسٸز جاۋ سٶندٸرٸلدٸ. قازا بولعاندار مەن زارداپ شەككەندەر جوق. ٶرتتٸڭ شىعۋ سەبەبٸ انىقتالىپ جاتىر», - دەيدٸ مينيسترلٸكتەن.
نۇر-سۇلتان قالاسى تجد ازاماتتارعا, تقس جەنە باسقا دا كەسٸپورىنداردىڭ يەلەرٸنە قاراپايىم ٶرت قاۋٸپسٸزدٸگٸ ەرەجەلەرٸن ساقتاۋعا, تۇرمىستىق تەحنيكانى, ەلەكتر قۇرىلعىسىن پايدالانۋ جٶنٸندەگٸ نۇسقاۋلىقتى ساقتاۋعا, ەلەكتر سىمدارىنىڭ وقشاۋلاعىشى زاقىمدالعان اسپاپتاردى پايدالانباۋعا كەڭەس بەرەدٸ.
