Nur-Sultan qalasy politsiia departamentiniń «Saryarqa» aýdandyq politsiia basqarmasyna «Qazposhta» AQ qoimasynan sálem-saýqattardyń urlanyp júrgeni týraly shaǵym kelip tústi, dep habarlaidy "Ult aqparat" elordanyń politsiia departamentine silteme jasap.
Jedel-izdeý sharalaryn júrgizý barysynda qylmysty jasady degen kúdikke ilingen azamat anyqtalyp, ustaldy.
Ol elordanyń buryn sottalǵan 27 jastaǵy turǵyny bolyp shyqty. Jaýap alý kezinde ol qoimaǵa talai ret kirgenin, alaida kúzetshilerdiń oǵan nazar aýdarmaǵanyn aitty. Sonda ol urlyq jasamaq nietpen qoima bólmesine esh kedergisiz kirip, odan úsh sálemdemeni urlaǵan.
Ol sálemdemeniń ekeýin jasyryp, ishinde Toiota Kamri avtokóliginiń qosalqy bólshekteri jatqan úshinshi sálemdemeni beitanys bireýge satqan.
Tabylǵan sálemdemeler «Qazposhta» AQ-ǵa qaitaryldy.
Atalǵan faktimen QR Qylmystyq kodeksiniń 188-babymen («urlyq») sot aldyndaǵy tergeý amaldary júrgizilip jatyr.
