نۇر-سۇلتان قالاسى پوليتسييا دەپارتامەنتٸنٸڭ «سارىارقا» اۋداندىق پوليتسييا باسقارماسىنا «قازپوشتا» اق قويماسىنان سەلەم-ساۋقاتتاردىڭ ۇرلانىپ جٷرگەنٸ تۋرالى شاعىم كەلٸپ تٷستٸ, دەپ حابارلايدى "ۇلت اقپارات" ەلوردانىڭ پوليتسييا دەپارتامەنتٸنە سٸلتەمە جاساپ.
جەدەل-ٸزدەۋ شارالارىن جٷرگٸزۋ بارىسىندا قىلمىستى جاسادى دەگەن كٷدٸككە ٸلٸنگەن ازامات انىقتالىپ, ۇستالدى.
ول ەلوردانىڭ بۇرىن سوتتالعان 27 جاستاعى تۇرعىنى بولىپ شىقتى. جاۋاپ الۋ كەزٸندە ول قويماعا تالاي رەت كٸرگەنٸن, الايدا كٷزەتشٸلەردٸڭ وعان نازار اۋدارماعانىن ايتتى. سوندا ول ۇرلىق جاساماق نيەتپەن قويما بٶلمەسٸنە ەش كەدەرگٸسٸز كٸرٸپ, ودان ٷش سەلەمدەمەنٸ ۇرلاعان.
ول سەلەمدەمەنٸڭ ەكەۋٸن جاسىرىپ, ٸشٸندە تويوتا كامري اۆتوكٶلٸگٸنٸڭ قوسالقى بٶلشەكتەرٸ جاتقان ٷشٸنشٸ سەلەمدەمەنٸ بەيتانىس بٸرەۋگە ساتقان.
تابىلعان سەلەمدەمەلەر «قازپوشتا» اق-عا قايتارىلدى.
اتالعان فاكتٸمەن قر قىلمىستىق كودەكسٸنٸڭ 188-بابىمەن («ۇرلىق») سوت الدىنداعى تەرگەۋ امالدارى جٷرگٸزٸلٸپ جاتىر.
