Elordada Qazaqstannyń aýyl áielderiniń III forýmy ótip jatyr, dep habarlaidy QazAqparat.
«Men búgin biz úshinshi ret ótkizilip jatqan aýyl áielderiniń biriktirýshi jáne yntalandyrýshy alańyna ainalǵan úshinshi respýblikalyq forýmdy ashyp otyrǵanyma óte qýanyshtymyn. Jyl saiyn qatarymyz jańa esimdermen tolyqtyrylyp jatyr. Ókinishke qarai, analarymyzdyń jumysyn kórip, qoldap qaitý úshin biz biyl aýyldarǵa bara almadyq. Kórip otyrǵanyńyzdai, qashyqtyq bizge kedergi emes, onlain rejimde de kezdesip otyrmyz. Árqaisyńyz óz aýylynyń qamyn jegen óz óńirińizdiń kórnekti ókilisiz. Prezident óziniń Joldaýynda aitqandai, básekege qabiletti ekonomika aýyl sharýashylyǵyn damytpai qurylmaidy», - dedi Májilis depýtaty Maira Aisina.
Onyń aitýynsha Qazaqstan halqynyń jartysy aýylda turady. Onyń 4 milliony áielder.
«Forým jumysy agroónerkásiptik keshenniń damýyna aitarlyqtai serpin beretinine senimdimiz. Bul áielderdiń áleýmettik mártebesin jaqsartady. Súttiń 70% jáne kókónisterdiń 90% jeke qosalqy sharýashylyqtarda óndiriledi. Prezidenttiń jeke qosalqy sharýashylyqtardyń áleýetin sheshýshi túrde paidalaný qajettiligine nazar aýdarýy beker emes. Elimizde áielder aýyldyń damýy úshin orasan zor eńbegin sińirýde», - dedi ol.
Qazaqstannyń aýyl áielderiniń III forýmy barasynda «Aýyl» Halyqtyq-demokratiialyq patriottyq partiiasy men «Qazaqstan áielderiniń agrarlyq odaǵy» ZTB arasynda yntymaqtastyq týraly Memorandýmǵa qol qoiylady.
