ەلوردادا قازاقستاننىڭ اۋىل ەيەلدەرٸنٸڭ III فورۋمى ٶتٸپ جاتىر, دەپ حابارلايدى قازاقپارات.
«مەن بٷگٸن بٸز ٷشٸنشٸ رەت ٶتكٸزٸلٸپ جاتقان اۋىل ەيەلدەرٸنٸڭ بٸرٸكتٸرۋشٸ جەنە ىنتالاندىرۋشى الاڭىنا اينالعان ٷشٸنشٸ رەسپۋبليكالىق فورۋمدى اشىپ وتىرعانىما ٶتە قۋانىشتىمىن. جىل سايىن قاتارىمىز جاڭا ەسٸمدەرمەن تولىقتىرىلىپ جاتىر. ٶكٸنٸشكە قاراي, انالارىمىزدىڭ جۇمىسىن كٶرٸپ, قولداپ قايتۋ ٷشٸن بٸز بيىل اۋىلدارعا بارا المادىق. كٶرٸپ وتىرعانىڭىزداي, قاشىقتىق بٸزگە كەدەرگٸ ەمەس, ونلاين رەجيمدە دە كەزدەسٸپ وتىرمىز. ەرقايسىڭىز ٶز اۋىلىنىڭ قامىن جەگەن ٶز ٶڭٸرٸڭٸزدٸڭ كٶرنەكتٸ ٶكٸلٸسٸز. پرەزيدەنت ٶزٸنٸڭ جولداۋىندا ايتقانداي, بەسەكەگە قابٸلەتتٸ ەكونوميكا اۋىل شارۋاشىلىعىن دامىتپاي قۇرىلمايدى», - دەدٸ مەجٸلٸس دەپۋتاتى مايرا ايسينا.
ونىڭ ايتۋىنشا قازاقستان حالقىنىڭ جارتىسى اۋىلدا تۇرادى. ونىڭ 4 ميلليونى ەيەلدەر.
«فورۋم جۇمىسى اگروٶنەركەسٸپتٸك كەشەننٸڭ دامۋىنا ايتارلىقتاي سەرپٸن بەرەتٸنٸنە سەنٸمدٸمٸز. بۇل ەيەلدەردٸڭ ەلەۋمەتتٸك مەرتەبەسٸن جاقسارتادى. سٷتتٸڭ 70% جەنە كٶكٶنٸستەردٸڭ 90% جەكە قوسالقى شارۋاشىلىقتاردا ٶندٸرٸلەدٸ. پرەزيدەنتتٸڭ جەكە قوسالقى شارۋاشىلىقتاردىڭ ەلەۋەتٸن شەشۋشٸ تٷردە پايدالانۋ قاجەتتٸلٸگٸنە نازار اۋدارۋى بەكەر ەمەس. ەلٸمٸزدە ەيەلدەر اۋىلدىڭ دامۋى ٷشٸن وراسان زور ەڭبەگٸن سٸڭٸرۋدە», - دەدٸ ول.
قازاقستاننىڭ اۋىل ەيەلدەرٸنٸڭ III فورۋمى باراسىندا «اۋىل» حالىقتىق-دەموكراتييالىق پاتريوتتىق پارتيياسى مەن «قازاقستان ەيەلدەرٸنٸڭ اگرارلىق وداعى» زتب اراسىندا ىنتىماقتاستىق تۋرالى مەموراندۋمعا قول قويىلادى.
