Nur-Sultan qalasynda mánerlep syrǵanaýdan tanymal sportshy bolǵan Denis Tenniń qurmetine halyqaralyq týrnir ótedi. Bul týraly QR Mádeniet jáne sport ministri Aqtoty Raiymqulova málim etti, dep habarlaidy QazAqparat.
«Otandyq sportta el namysyn qorǵap, kók týymyzdy jelbiretip júrgen sportshylar barshylyq. Sonyń biri Denis Ten. Sportshy qysqa ómirinde álemdik arenalarda Ánuranymyzdy oinatyp, týymyzdy jelbiretip úlgerdi. Denis Tenniń qurmetine orai sport qaýymdastarymen birlesip keń aýqymdy shara ótkizgeli otyrmyz. Negizi ótken jylǵa josparlaǵan edik, pandemiianyń saldarynan keiinge shegerýge týra keldi. Árine Denis Tenniń qurmetine buǵan deiin de túrli sharalar ótip jatyr, biraq olar áýesqoi deńgeide», - dedi Aqtoty Raiymqulova elordada ótip jatqan ulttyq mektep sport ligasy barysynda.
Ministrdiń aitýynsha, «Denis Ten Memorial Challenge» atty mánerlep syrǵanaýdan halyqaralyq týrnir osymen ekinshi ret uiymdastyrylyp otyr. Jáne ol 28-31 qazan kúnderi elordadaǵy «Barys Arena» sporttyq kesheninde ótedi.
Aita ketsek, ministrlik uiytqy bolǵan sharany Ulttyq Olimpiada komiteti men Nur-Sultan qalasynyń ákimdigi qoldap, «Denis Ten qory» qoǵamdyq mekemesi uiymdastyryp otyr.
Sondai-aq, halyqaralyq týrnirge 20 memleketten 100 sportshy qatysady dep kútilýde.
