نۇر-سۇلتان قالاسىندا مەنەرلەپ سىرعاناۋدان تانىمال سپورتشى بولعان دەنيس تەننٸڭ قۇرمەتٸنە حالىقارالىق تۋرنير ٶتەدٸ. بۇل تۋرالى قر مەدەنيەت جەنە سپورت مينيسترٸ اقتوتى رايىمقۇلوۆا مەلٸم ەتتٸ, دەپ حابارلايدى قازاقپارات.
«وتاندىق سپورتتا ەل نامىسىن قورعاپ, كٶك تۋىمىزدى جەلبٸرەتٸپ جٷرگەن سپورتشىلار بارشىلىق. سونىڭ بٸرٸ دەنيس تەن. سپورتشى قىسقا ٶمٸرٸندە ەلەمدٸك ارەنالاردا ەنۇرانىمىزدى ويناتىپ, تۋىمىزدى جەلبٸرەتٸپ ٷلگەردٸ. دەنيس تەننٸڭ قۇرمەتٸنە وراي سپورت قاۋىمداستارىمەن بٸرلەسٸپ كەڭ اۋقىمدى شارا ٶتكٸزگەلٸ وتىرمىز. نەگٸزٸ ٶتكەن جىلعا جوسپارلاعان ەدٸك, پاندەمييانىڭ سالدارىنان كەيٸنگە شەگەرۋگە تۋرا كەلدٸ. ەرينە دەنيس تەننٸڭ قۇرمەتٸنە بۇعان دەيٸن دە تٷرلٸ شارالار ٶتٸپ جاتىر, بٸراق ولار ەۋەسقوي دەڭگەيدە», - دەدٸ اقتوتى رايىمقۇلوۆا ەلوردادا ٶتٸپ جاتقان ۇلتتىق مەكتەپ سپورت ليگاسى بارىسىندا.
مينيستردٸڭ ايتۋىنشا, «Denis Ten Memorial Challenge» اتتى مەنەرلەپ سىرعاناۋدان حالىقارالىق تۋرنير وسىمەن ەكٸنشٸ رەت ۇيىمداستىرىلىپ وتىر. جەنە ول 28-31 قازان كٷندەرٸ ەلورداداعى «بارىس ارەنا» سپورتتىق كەشەنٸندە ٶتەدٸ.
ايتا كەتسەك, مينيسترلٸك ۇيىتقى بولعان شارانى ۇلتتىق وليمپيادا كوميتەتٸ مەن نۇر-سۇلتان قالاسىنىڭ ەكٸمدٸگٸ قولداپ, «دەنيس تەن قورى» قوعامدىق مەكەمەسٸ ۇيىمداستىرىپ وتىر.
سونداي-اق, حالىقارالىق تۋرنيرگە 20 مەملەكەتتەن 100 سپورتشى قاتىسادى دەپ كٷتٸلۋدە.
