Jazda demalys kúnderi keibir kóshelerde kólik qozǵalysyn toqtatý josparlanyp otyr. Bul týraly elorda ákimi Altai Kólginov aitty, dep habarlaidy «Ult aqparat».
«Biz jaiaý júrginshilerge kóbirek jaǵdai jasaityn bolamyz. Jeksenbi kúnderi keibir kóshelerdi jabamyz. Sonda jaiaý júrginshiler emin-erkin júredi, balalar qydyrady, adamdar sportpen ainalysady. Árine, shaǵyn jáne orta biznes te atsalysady. Qoǵamdyq tamaqtaný oryndary bolady», - dedi Kólginov onlain formatta ótken halyqqa esep berý kezdesýinde.
Aita keteiik, búgingi shara barysynda onlain bailanysqa shyqqan ispandyq Deigo Amado óz elindegi tájiribemen bólisti. Onyń aitýynsha, Madrid qalasynda demalys jáne mereke kúnderi qala ortalyǵyn jaýyp, kólik qozǵalysyn toqtatyp tastaidy.
Sonyń arqasynda qala turǵyndary men qonaqtary kóshede emin-erkin júredi, velosiped tebedi. Qalanyń ekologiiasy da jaqsarady. Ákim oǵan aǵylshyn tilinde jaýap berip, ondai jospardyń bar ekenin jetkizdi.
