جازدا دەمالىس كٷندەرٸ كەيبٸر كٶشەلەردە كٶلٸك قوزعالىسىن توقتاتۋ جوسپارلانىپ وتىر. بۇل تۋرالى ەلوردا ەكٸمٸ التاي كٶلگٸنوۆ ايتتى, دەپ حابارلايدى «ۇلت اقپارات».
«بٸز جاياۋ جٷرگٸنشٸلەرگە كٶبٸرەك جاعداي جاسايتىن بولامىز. جەكسەنبٸ كٷندەرٸ كەيبٸر كٶشەلەردٸ جابامىز. سوندا جاياۋ جٷرگٸنشٸلەر ەمٸن-ەركٸن جٷرەدٸ, بالالار قىدىرادى, ادامدار سپورتپەن اينالىسادى. ەرينە, شاعىن جەنە ورتا بيزنەس تە اتسالىسادى. قوعامدىق تاماقتانۋ ورىندارى بولادى», - دەدٸ كٶلگٸنوۆ ونلاين فورماتتا ٶتكەن حالىققا ەسەپ بەرۋ كەزدەسۋٸندە.
ايتا كەتەيٸك, بٷگٸنگٸ شارا بارىسىندا ونلاين بايلانىسقا شىققان يسپاندىق دەيگو امادو ٶز ەلٸندەگٸ تەجٸريبەمەن بٶلٸستٸ. ونىڭ ايتۋىنشا, مادريد قالاسىندا دەمالىس جەنە مەرەكە كٷندەرٸ قالا ورتالىعىن جاۋىپ, كٶلٸك قوزعالىسىن توقتاتىپ تاستايدى.
سونىڭ ارقاسىندا قالا تۇرعىندارى مەن قوناقتارى كٶشەدە ەمٸن-ەركٸن جٷرەدٸ, ۆەلوسيپەد تەبەدٸ. قالانىڭ ەكولوگيياسى دا جاقسارادى. ەكٸم وعان اعىلشىن تٸلٸندە جاۋاپ بەرٸپ, ونداي جوسپاردىڭ بار ەكەنٸن جەتكٸزدٸ.
