Nur-Sultanda 145 meditsina qyzmetkeri koronavirýs infektsiiasyna qarsy vaktsina saldyrdy, dep habarlaidy "Ult aqparat" qalalyq Qoǵamdyq densaýlyq saqtaý basqarmasyna silteme jasap.
Birinshi kezeńde elordalyq statsionarlardyń, qalanyń infektsiialyq ortalyǵynyń meditsina qyzmetkerleri, jedel járdem brigadasynyń feldsherleri ekpe aldy.
Kóshpeli brigadanyń feldsheri vaktsinalaý týraly pikir bildirip, kóńil-kúiiniń qandai ekenin aitty.
«Vaktsinadan keiin jaǵymsyz áser bolǵan joq. Iaǵni bas ainalyp, júrek ainý degen bolǵan joq. Kóńil-kúiim jaqsy. Ózime tanys emes adamdarmen tyǵyz jumys isteimin, naýqastarǵa jii baramyn, sol sebepti vaktsina saldyrý kerek degen bailamǵa keldim», - dedi feldsher Ersultan Úsenuly.
Al №9 qalalyq emhanasynyń filtr-kabinetiniń dárigeri Qainar Farhaduly oiyn bylaisha jetkizdi:
«Kúnine JRVI men sýyqtyń belgileri bar 250-ge jýyq adam keledi. Biraq test júrgizbei turyp, bári koronavirýs infektsiiasymen aýyrmaidy dep senimmen aita almaimyn. Vaktsinatsiia - aldymen meniń qorǵanysym. Qazir vaktsinadan keiin jaǵdaiym jaqsy», - deidi filtr kabinetiniń dárigeri.
Elordada barlyǵy 6 300 meditsina qyzmetkeri KVI infektsiiasyna qarsy egiledi. Aita ketý kerek, tizimder mamandardyń erikti kelisimi boiynsha jasalady.
Esterińizge sala keteiik, vaktsinatsiia 2 kezeń boiynsha júrgiziledi, aldymen birinshi komponent 0,5 ml dozada, ary qarai ekinshi komponent te dál osylai - 0,5 ml dozada (21-42 kúnnen keiin). 21 kúnnen keiin vaktsina qabyldaǵandar ekinshi kezeńin alý úshin taǵy da sol ornyna shaqyrylady.
