نۇر-سۇلتاندا 145 مەديتسينا قىزمەتكەرٸ كوروناۆيرۋس ينفەكتسيياسىنا قارسى ۆاكتسينا سالدىردى, دەپ حابارلايدى "ۇلت اقپارات" قالالىق قوعامدىق دەنساۋلىق ساقتاۋ باسقارماسىنا سٸلتەمە جاساپ.
بٸرٸنشٸ كەزەڭدە ەلوردالىق ستاتسيونارلاردىڭ, قالانىڭ ينفەكتسييالىق ورتالىعىنىڭ مەديتسينا قىزمەتكەرلەرٸ, جەدەل جەردەم بريگاداسىنىڭ فەلدشەرلەرٸ ەكپە الدى.
كٶشپەلٸ بريگادانىڭ فەلدشەرٸ ۆاكتسينالاۋ تۋرالى پٸكٸر بٸلدٸرٸپ, كٶڭٸل-كٷيٸنٸڭ قانداي ەكەنٸن ايتتى.
«ۆاكتسينادان كەيٸن جاعىمسىز ەسەر بولعان جوق. ياعني باس اينالىپ, جٷرەك اينۋ دەگەن بولعان جوق. كٶڭٸل-كٷيٸم جاقسى. ٶزٸمە تانىس ەمەس ادامدارمەن تىعىز جۇمىس ٸستەيمٸن, ناۋقاستارعا جيٸ بارامىن, سول سەبەپتٸ ۆاكتسينا سالدىرۋ كەرەك دەگەن بايلامعا كەلدٸم», - دەدٸ فەلدشەر ەرسۇلتان ٷسەنۇلى.
ال №9 قالالىق ەمحاناسىنىڭ فيلتر-كابينەتٸنٸڭ دەرٸگەرٸ قاينار فارحادۇلى ويىن بىلايشا جەتكٸزدٸ:
«كٷنٸنە جرۆي مەن سۋىقتىڭ بەلگٸلەرٸ بار 250-گە جۋىق ادام كەلەدٸ. بٸراق تەست جٷرگٸزبەي تۇرىپ, بەرٸ كوروناۆيرۋس ينفەكتسيياسىمەن اۋىرمايدى دەپ سەنٸممەن ايتا المايمىن. ۆاكتسيناتسييا - الدىمەن مەنٸڭ قورعانىسىم. قازٸر ۆاكتسينادان كەيٸن جاعدايىم جاقسى», - دەيدٸ فيلتر كابينەتٸنٸڭ دەرٸگەرٸ.
ەلوردادا بارلىعى 6 300 مەديتسينا قىزمەتكەرٸ كۆي ينفەكتسيياسىنا قارسى ەگٸلەدٸ. ايتا كەتۋ كەرەك, تٸزٸمدەر مامانداردىڭ ەرٸكتٸ كەلٸسٸمٸ بويىنشا جاسالادى.
ەستەرٸڭٸزگە سالا كەتەيٸك, ۆاكتسيناتسييا 2 كەزەڭ بويىنشا جٷرگٸزٸلەدٸ, الدىمەن بٸرٸنشٸ كومپونەنت 0,5 مل دوزادا, ارى قاراي ەكٸنشٸ كومپونەنت تە دەل وسىلاي - 0,5 مل دوزادا (21-42 كٷننەن كەيٸن). 21 كٷننەن كەيٸن ۆاكتسينا قابىلداعاندار ەكٸنشٸ كەزەڭٸن الۋ ٷشٸن تاعى دا سول ورنىنا شاقىرىلادى.
