Elordalyq dene shynyqtyrý basqarmasy astanalyqtar arasynda eń tanymal belsendi bes sport túrin atady, dep habarlaidy "Ult aqparat" qala ákimdigine silteme jasap.
Elordada balalar men eresekter arasynda buqaralyq sportty damytý boiynsha turaqty jumys júrgizilýde. Jańa saiabaqtar, alańdar ashý jáne aýlalardy jailastyrý tek qalanyń syrtqy kelbetin jaqsartý úshin ǵana emes, sonymen qatar qalalyqtardyń jaqsy ýaqyt ótkizýi úshin de júzege asyrylady. Búginde 340 myńnan astam Nur-Sultan turǵyny sportpen belsendi ainalysady.
Júgirý
Júgirý kezinde dene ottegimen qanyǵyp, barlyq ishki aǵzalardyń jumysyna jáne teriniń kúiine jaqsy áser etedi. Júgirý jattyǵýlary júrek pen qan tamyrlaryna, ókpege jáne aýrýlardyń aldyn alýǵa paidaly. Turǵyndarǵa yńǵaily bolý úshin elordanyń ár aýdanynda arnaiy jabdyqtalǵan soqpaqty saiabaqtar bar. Qazirgi ýaqytta elordada 116,4 km velosiped jáne júgirý joldary bar, ári qarai infraqurylymdy damytý jumystary jalǵasady.
Velosiped tebý
Velosipedpen júrý elorda turǵyndary arasynda jyl sanap tanymal bolyp keledi. Mamandar velosportpen ainalysýdyń ondaǵan paidaly sebepterin ataidy. Bul uiqynyń jaqsarýy, qan ainalymy, tózimdiliktiń joǵarylaýy, stresstiń tómendeýi jáne t.b. Qazaqstan astanasynda salaýatty ómir saltyna jaǵymdy bonýs - bul ádemi kórinister men jaily jaǵdailar. Velosiped súier qaýym ony Triatlon jáne Astanalyq saiabaqta, Botanikalyq baqta tamashalai alady.
Fýtbol
Búginde fýtbol alańdary kóptegen aýlalarda jabdyqtalǵan, balalar da, eresekter de osy sport túrimen qýana ainalysady. Qalada 318 fýtbol alańy bar.
Street workout
Strit vorkaýt Qazaqstan astanasynda jyldan jylǵa tanymal bolyp keledi. Búgingi kúni bul eń qoljetimdi sporttyq is-sharalardyń biri. Aqyr sońynda, ózińizdiń formańyzdy saqtaý úshin jattyǵý zaldaryna, jeke jattyqtyrýshymen jáne arnaiy jabdyqtarmen sabaqtarǵa aqsha jumsaýdyń qajeti joq. Sizge tek yńǵaily sport kiimderi men krossovka kerek. Búgingi tańda qalada 23 strit vorkaýt alańy bar. Arnaiy jabdyqta ártúrli triýk jasap, birneshe negizgi bulshyqet toptaryn: aiaq, moiyn, arqa, qol, ish pen keýde bulshyqetin shynyqtyra alasyz.
Skandinaviia júrisi
Skandinaviia júrisi qala turǵyndary arasynda eń tanymal sport túrleriniń bestigine kiredi. Zertteýlerge sáikes, bul bulshyqetterdiń shamamen 90% -yna áser etip, júrgirýden góri eki ese kóp kaloriia jumsaýǵa kómektesedi. Sondyqtan saiabaqtarda jáne qala kóshelerinde siz ár túrli jastaǵy adamdardy arnaiy jabdyqpen jii kezdestire alasyz.
«Memleket basshysynyń tapsyrmalaryn, sondai-aq 2021 jyldan bastap balalar men jastar jáne buqaralyq sportty damytýdyń basymdyǵyn eskere otyryp, qarajatty qaita bólý josparlanyp otyr. Balalardy dene shynyqtyrý men sportqa tartý maqsatynda sporttyq infraqurylymnyń qalyptasqan jaǵdailaryna súiene otyryp, buqaralyq dene shynyqtyrý-saýyqtyrý jumystaryn aqysyz negizde damytýdyń keshendi baǵdarlamasy jasaldy», - dep atap ótti basqarmadaǵylar.
Baǵdarlamada fýtbol, shahmat, strit vorkaýt, basketbol, balalardyń fitnes jattyǵýy bar. Sondai-aq zeinetkerlerge arnalǵan jattyǵýlar: skandinaviialyq serýendeý, ioga, shahmat, doiby jáne basqa da sport túrleri. Osylaisha, salaýatty ómir saltyn qalyptastyrý jáne azamattardy buqaralyq sportqa baýlý boiynsha jumys jalǵasady.
