Elordalyq bilim basqarmasy men «Astana – adaldyq alańy» jobalyq keńsesiniń qyzmetkerleri qaladaǵy jalpy bilim beretin mektepterge oqýlyqtyń taralýyn qadaǵalap, kóshpeli monitoring júrgizdi, dep habarlaidy "Ult aqparat" qala ákimdigine silteme jasap.
Elorda mektepterinde jańa oqý jylyna daiyndyq júrgizilip jatyr. Qazirgi ýaqytta oqý oryndary jańa oqýlyqpen qamtamasyz ete bastaldy.
«Bul qoimada 1-11 synyptarǵa arnalǵan 19 baspanyń oqýlyǵy bar. Osy jerden barlyq mektepter kestege sáikes oqýlyq beriledi. Búgingi tańda 35 mektepke kitap taratyldy», - deidi qalalyq bilim basqarmasy basshysynyń orynbasary Baǵlan Smataeva.
Bul rette sanitariia normalary qatań saqtalady. Eki apta ishinde elordaǵa shamamen 20 júk kóligimen 750 tonna oqýlyq jetkizildi. Oqýlyq qazir mektepterge bólinip jatyr. Oqý quralyn ýaqtyly jetkizýdi monitoring toby qadaǵalaidy.
«Búgin qalalyq bilim basqarmasymen birlese otyryp, Qosshy aýylyndaǵy mektepke baryp, oqýlyqtardy 1-11 synyptarǵa tarattyq. Atap aitqanda, oqýlyqtardyń № 54 mektep-litseige jiberilýin qadaǵaladyq. Biz bul úderisti tolyq baqylaimyz», – deidi Nur-Sultan qalasy ákimdiginiń «Astana-adaldyq alańy» jobalyq keńsesiniń úilestirýshisi Sáýle Bisembaeva. Qazaqstanda aldaǵy oqý jylyn elimizdiń barlyq mektepterindegi 1-11 synyptarda qashyqtan oqytý josparlanǵan. Osyǵan bailanysty bilim basqarmasyna jáne oqý oryndarynyń direktorlaryna mekteptiń qashyqtan oqytýǵa daiyndyǵyn qamtamasyz etý tapsyryldy.
