ەلوردالىق بٸلٸم باسقارماسى مەن «استانا – ادالدىق الاڭى» جوبالىق كەڭسەسٸنٸڭ قىزمەتكەرلەرٸ قالاداعى جالپى بٸلٸم بەرەتٸن مەكتەپتەرگە وقۋلىقتىڭ تارالۋىن قاداعالاپ, كٶشپەلٸ مونيتورينگ جٷرگٸزدٸ, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
ەلوردا مەكتەپتەرٸندە جاڭا وقۋ جىلىنا دايىندىق جٷرگٸزٸلٸپ جاتىر. قازٸرگٸ ۋاقىتتا وقۋ ورىندارى جاڭا وقۋلىقپەن قامتاماسىز ەتە باستالدى.
«بۇل قويمادا 1-11 سىنىپتارعا ارنالعان 19 باسپانىڭ وقۋلىعى بار. وسى جەردەن بارلىق مەكتەپتەر كەستەگە سەيكەس وقۋلىق بەرٸلەدٸ. بٷگٸنگٸ تاڭدا 35 مەكتەپكە كٸتاپ تاراتىلدى», - دەيدٸ قالالىق بٸلٸم باسقارماسى باسشىسىنىڭ ورىنباسارى باعلان سماتاەۆا.
بۇل رەتتە سانيتارييا نورمالارى قاتاڭ ساقتالادى. ەكٸ اپتا ٸشٸندە ەلورداعا شامامەن 20 جٷك كٶلٸگٸمەن 750 توننا وقۋلىق جەتكٸزٸلدٸ. وقۋلىق قازٸر مەكتەپتەرگە بٶلٸنٸپ جاتىر. وقۋ قۇرالىن ۋاقتىلى جەتكٸزۋدٸ مونيتورينگ توبى قاداعالايدى.
«بٷگٸن قالالىق بٸلٸم باسقارماسىمەن بٸرلەسە وتىرىپ, قوسشى اۋىلىنداعى مەكتەپكە بارىپ, وقۋلىقتاردى 1-11 سىنىپتارعا تاراتتىق. اتاپ ايتقاندا, وقۋلىقتاردىڭ № 54 مەكتەپ-ليتسەيگە جٸبەرٸلۋٸن قاداعالادىق. بٸز بۇل ٷدەرٸستٸ تولىق باقىلايمىز», – دەيدٸ نۇر-سۇلتان قالاسى ەكٸمدٸگٸنٸڭ «استانا-ادالدىق الاڭى» جوبالىق كەڭسەسٸنٸڭ ٷيلەستٸرۋشٸسٸ سەۋلە بيسەمباەۆا. قازاقستاندا الداعى وقۋ جىلىن ەلٸمٸزدٸڭ بارلىق مەكتەپتەرٸندەگٸ 1-11 سىنىپتاردا قاشىقتان وقىتۋ جوسپارلانعان. وسىعان بايلانىستى بٸلٸم باسقارماسىنا جەنە وقۋ ورىندارىنىڭ ديرەكتورلارىنا مەكتەپتٸڭ قاشىقتان وقىتۋعا دايىندىعىن قامتاماسىز ەتۋ تاپسىرىلدى.
