«Integrity ASTANA» kommertsiialyq emes uiymynyń basshysy Janat Nurǵaliev elimizdegi internet bailanysy jaqsy jáne nashar óńirlerdi atady, dep habarlaidy QazAqparat.
«Tsifrlyq damý ministrliginiń ulttyq jobasy bar. Óńirler sheginde jáne basym baǵyttar boiynsha is-qimyl josparyn jariia etý qajet. Eger, Qazaqstan boiynsha aitar bolsaq, internet sapasy boiynsha eń jaqsy kórsetkish elordada, eń nashary Qyzylorda oblysynda tirkelgen. Al aýyldyq eldi mekenderge qatysty aitar bolsaq, eń nashar kórsetkish – Batys Qazaqstan oblysynda», - dedi Janat Nurǵaliev telekommýnikatsiia naryǵyn demonopolizatsiialaý máselelerin talqylaýǵa arnalǵan Men media.kz kross-mediaplatformasy barysynda.
Onyń atap ótýinshe, buǵan deiin Qazaqstandy 100 paiyz internetpen qamtamasyz etý máselesi ózekti bolsa, endigi ýaqytta onyń sapasyn jaqsartý kún tártibine shyǵyp otyr.
«Qazaqstan internet jyldamdyǵy boiynsha 80-orynda tur. Bul rette Qyrǵyzstan 76-orynǵa, Belarýs 74-orynǵa shyǵyp, elimizdi ozyp ketti. Muny oilaný kerek. Ulttyq jobada qarjylandyrý kólemi de kózdelgen. Eger 2021 jyly 34 mlrd teńge jumsalsa, 2022 jyly 17,5 mlrd teńge bólindi. Al 2025 jyly Ulttyq jobada 225 mlrd teńge qarastyrylǵan. Biraq, bul somanyń 118 mlrd teńgesi respýblikalyq biýdjetten bólinedi. Al operatorlardyń investitsiiasy shamamen 520 mlrd teńgeni quraidy. Biraq, atalǵan memlekettik baǵdarlamadan kim investitsiia salatyndyǵyn, qandai operatorlardyń esebinen ekenin kórmeimiz. Qoǵam qazirdiń ózinde sapaly internet surap otyr», - dedi ol.
