«Integrity ASTANA» كوممەرتسييالىق ەمەس ۇيىمىنىڭ باسشىسى جانات نۇرعاليەۆ ەلٸمٸزدەگٸ ينتەرنەت بايلانىسى جاقسى جەنە ناشار ٶڭٸرلەردٸ اتادى, دەپ حابارلايدى قازاقپارات.
«تسيفرلىق دامۋ مينيسترلٸگٸنٸڭ ۇلتتىق جوباسى بار. ٶڭٸرلەر شەگٸندە جەنە باسىم باعىتتار بويىنشا ٸس-قيمىل جوسپارىن جارييا ەتۋ قاجەت. ەگەر, قازاقستان بويىنشا ايتار بولساق, ينتەرنەت ساپاسى بويىنشا ەڭ جاقسى كٶرسەتكٸش ەلوردادا, ەڭ ناشارى قىزىلوردا وبلىسىندا تٸركەلگەن. ال اۋىلدىق ەلدٸ مەكەندەرگە قاتىستى ايتار بولساق, ەڭ ناشار كٶرسەتكٸش – باتىس قازاقستان وبلىسىندا», - دەدٸ جانات نۇرعاليەۆ تەلەكوممۋنيكاتسييا نارىعىن دەمونوپوليزاتسييالاۋ مەسەلەلەرٸن تالقىلاۋعا ارنالعان Men media.kz كروسس-مەدياپلاتفورماسى بارىسىندا.
ونىڭ اتاپ ٶتۋٸنشە, بۇعان دەيٸن قازاقستاندى 100 پايىز ينتەرنەتپەن قامتاماسىز ەتۋ مەسەلەسٸ ٶزەكتٸ بولسا, ەندٸگٸ ۋاقىتتا ونىڭ ساپاسىن جاقسارتۋ كٷن تەرتٸبٸنە شىعىپ وتىر.
«قازاقستان ينتەرنەت جىلدامدىعى بويىنشا 80-ورىندا تۇر. بۇل رەتتە قىرعىزستان 76-ورىنعا, بەلارۋس 74-ورىنعا شىعىپ, ەلٸمٸزدٸ وزىپ كەتتٸ. مۇنى ويلانۋ كەرەك. ۇلتتىق جوبادا قارجىلاندىرۋ كٶلەمٸ دە كٶزدەلگەن. ەگەر 2021 جىلى 34 ملرد تەڭگە جۇمسالسا, 2022 جىلى 17,5 ملرد تەڭگە بٶلٸندٸ. ال 2025 جىلى ۇلتتىق جوبادا 225 ملرد تەڭگە قاراستىرىلعان. بٸراق, بۇل سومانىڭ 118 ملرد تەڭگەسٸ رەسپۋبليكالىق بيۋدجەتتەن بٶلٸنەدٸ. ال وپەراتورلاردىڭ ينۆەستيتسيياسى شامامەن 520 ملرد تەڭگەنٸ قۇرايدى. بٸراق, اتالعان مەملەكەتتٸك باعدارلامادان كٸم ينۆەستيتسييا سالاتىندىعىن, قانداي وپەراتورلاردىڭ ەسەبٸنەن ەكەنٸن كٶرمەيمٸز. قوعام قازٸردٸڭ ٶزٸندە ساپالى ينتەرنەت سۇراپ وتىر», - دەدٸ ول.
