Juma namazynda elimizdiń barlyq meshitinde tótenshe jaǵdai saldarynan qaza bolǵan ózbek aǵaiyndarǵa arnaiy duǵa jasalady, dep habarlanǵan Qazaqstan musylmandary dini basqarmasynyń resmi saitynda.
"Qazaqstan musylmandary dini basqarmasynyń tóraǵasy, Bas múfti Serikbai qajy Oraz Aqtóbe oblysynda jolaýshylar kóliginde shyqqan órtten qaza bolǵan baýyrlarymyzdyń qaiǵysyna ortaqtasyp, Ózbekstan musylmandaryna hat joldady. Sonymen qatar Bas Múfti Serikbai Oraz elimizdiń barlyq imamdaryna búgingi juma namazynda qaza bolǵan ózbek aǵaiyndardyń rýhyna duǵa baǵyshtaýdy surap, jedel hat joldady", — dep jazylǵan habarlamada.
18 qańtarda saǵat 10:30 kezinde Aqtóbe oblysy Yrǵyz aýdanynda Samara-Shymkent tas jolynda jolaýshylar avtobýsynda órt shyqqan. Avtobýstyń ishinde 57 adam bolǵan. Oqiǵa ornynda 52 adam qaza tapty, olardyń barlyǵy Ózbekstan azamattary.
