جۇما نامازىندا ەلٸمٸزدٸڭ بارلىق مەشٸتٸندە تٶتەنشە جاعداي سالدارىنان قازا بولعان ٶزبەك اعايىندارعا ارنايى دۇعا جاسالادى, دەپ حابارلانعان قازاقستان مۇسىلماندارى دٸني باسقارماسىنىڭ رەسمي سايتىندا.
"قازاقستان مۇسىلماندارى دٸني باسقارماسىنىڭ تٶراعاسى, باس مٷفتي سەرٸكباي قاجى وراز اقتٶبە وبلىسىندا جولاۋشىلار كٶلٸگٸندە شىققان ٶرتتەن قازا بولعان باۋىرلارىمىزدىڭ قايعىسىنا ورتاقتاسىپ, ٶزبەكستان مۇسىلماندارىنا حات جولدادى. سونىمەن قاتار باس مٷفتي سەرٸكباي وراز ەلٸمٸزدٸڭ بارلىق يمامدارىنا بٷگٸنگٸ جۇما نامازىندا قازا بولعان ٶزبەك اعايىنداردىڭ رۋحىنا دۇعا باعىشتاۋدى سۇراپ, جەدەل حات جولدادى", — دەپ جازىلعان حابارلامادا.
18 قاڭتاردا ساعات 10:30 كەزٸندە اقتٶبە وبلىسى ىرعىز اۋدانىندا سامارا-شىمكەنت تاس جولىندا جولاۋشىلار اۆتوبۋسىندا ٶرت شىققان. اۆتوبۋستىڭ ٸشٸندە 57 ادام بولعان. وقيعا ورنىندا 52 ادام قازا تاپتى, ولاردىڭ بارلىعى ٶزبەكستان ازاماتتارى.
