«Qazgidromet» RMK derekteri boiynsha Nur-Sultan qalasynda, Aqmola, Aqtóbe, Shyǵys Qazaqstan, Qostanai, Qaraǵandy, Pavlodar jáne Soltústik Qazaqstan oblystarynda eskertý jariialandy, dep habarlaidy "Ult aqparat".
Tótenshe jaǵdailar ministrliginiń resmi ókili Talǵat Ýálidiń aitýynsha, aýa raiynyń nasharlaýyna bailanysty (aqtútek boran, qar, kóktaiǵaq) respýblikalyq mańyzy bar avtojoldardyń 10 ýchaskesi jabylǵan.
Atap aitqanda, Qaraǵandy oblysynda «Ekaterinbýrg-Almaty» jolynyń 1353-1425 shaqyrymy, «Qyzylorda-Pavlodar» jolynyń 1066-1135 shaqyrymy), Aqmola oblysynda «Ekaterinbýrg-Almaty» jolynyń 1291-1353); shaqyrymy, «Nur-Sultan-Ereimentaý-Shiderti» jolynyń 16-200 shaqyrymy, «Nur-Sultan - Shýche» jolynyń 18-231 shaqyrymy, Pavlodar oblysynda «Qyzylorda-Pavlodar» jolynyń 1135-1206 shaqyrymy, «Nur-Sultan-Ereimentaý-Shiderti» avtojolynyń 200-254 shaqyrymy, Almaty oblysynda «Úsharal-Dostyq» jolynyń 83-184 shaqyrymy, Shyǵys Qazaqstan oblysynda «Óskemen-Semei» jolynyń 10-198 shaqyrymy jabyq tur.
«Nur-Sultan-Qaraǵandy» avtojolynda 67 fýra men 70 adam, «Nur-Sultan-Shýche» avtojolynda 240 tehnika men 650 adam, Aqmola oblysynda «Ekaterinbýrg – Almaty» jolynda, Arshaly kentine jaqyn jerde 37 tehnika men 107 adam, «Shýche - Nur-Sultan» avtojolynda Shýche qalasyna kireberiste 200 tehnika men 575 adam, Shyǵys Qazaqstan oblysynda «Óskemen-Semei» avtojolynda Semei qalasy men Gerasimovka kentine jaqyn jerde 17 avtomobil men 45 adam, Qaraǵandy oblysynda barlyǵy 264 tehnika men 630 adam kepteliste tur.
Onyń ishinde saǵat 17.30-da Temirtaý qalasynan Nur-Sultan qalasyna 150 tehnika avtokolonna jolǵa shyqty.
Qaraǵandy oblysynyń jylytý pýnktine (Osakarovka kenti) 19 adam ornalastyryldy.
Halyqty evakýatsiialaý úshin joldardyń jabyq ýchaskelerinde 108 jylytý pýnkti daiyndaldy.
7 aqpannan bastap TJM ahýal ortalyǵynda respýblikalyq jedel shtab jumys isteýde. Onyń quramyna «Qazavtojol» UK AQ jáne «Qazaqavtodor» JShS de kirdi. Aqmola, Qaraǵandy jáne Pavlodar oblystarynda da osyndai shtabtar jumys isteýde.
Shuǵyl jumysqa 307 adam men 182 tehnika jumyldyryldy.
