«قازگيدرومەت» رمك دەرەكتەرٸ بويىنشا نۇر-سۇلتان قالاسىندا, اقمولا, اقتٶبە, شىعىس قازاقستان, قوستاناي, قاراعاندى, پاۆلودار جەنە سولتٷستٸك قازاقستان وبلىستارىندا ەسكەرتۋ جارييالاندى, دەپ حابارلايدى "ۇلت اقپارات".
تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەليدٸڭ ايتۋىنشا, اۋا رايىنىڭ ناشارلاۋىنا بايلانىستى (اقتٷتەك بوران, قار, كٶكتايعاق) رەسپۋبليكالىق ماڭىزى بار اۆتوجولداردىڭ 10 ۋچاسكەسٸ جابىلعان.
اتاپ ايتقاندا, قاراعاندى وبلىسىندا «ەكاتەرينبۋرگ-الماتى» جولىنىڭ 1353-1425 شاقىرىمى, «قىزىلوردا-پاۆلودار» جولىنىڭ 1066-1135 شاقىرىمى), اقمولا وبلىسىندا «ەكاتەرينبۋرگ-الماتى» جولىنىڭ 1291-1353); شاقىرىمى, «نۇر-سۇلتان-ەرەيمەنتاۋ-شٸدەرتٸ» جولىنىڭ 16-200 شاقىرىمى, «نۇر-سۇلتان - ششۋچە» جولىنىڭ 18-231 شاقىرىمى, پاۆلودار وبلىسىندا «قىزىلوردا-پاۆلودار» جولىنىڭ 1135-1206 شاقىرىمى, «نۇر-سۇلتان-ەرەيمەنتاۋ-شٸدەرتٸ» اۆتوجولىنىڭ 200-254 شاقىرىمى, الماتى وبلىسىندا «ٷشارال-دوستىق» جولىنىڭ 83-184 شاقىرىمى, شىعىس قازاقستان وبلىسىندا «ٶسكەمەن-سەمەي» جولىنىڭ 10-198 شاقىرىمى جابىق تۇر.
«نۇر-سۇلتان-قاراعاندى» اۆتوجولىندا 67 فۋرا مەن 70 ادام, «نۇر-سۇلتان-ششۋچە» اۆتوجولىندا 240 تەحنيكا مەن 650 ادام, اقمولا وبلىسىندا «ەكاتەرينبۋرگ – الماتى» جولىندا, ارشالى كەنتٸنە جاقىن جەردە 37 تەحنيكا مەن 107 ادام, «ششۋچە - نۇر-سۇلتان» اۆتوجولىندا ششۋچە قالاسىنا كٸرەبەرٸستە 200 تەحنيكا مەن 575 ادام, شىعىس قازاقستان وبلىسىندا «ٶسكەمەن-سەمەي» اۆتوجولىندا سەمەي قالاسى مەن گەراسيموۆكا كەنتٸنە جاقىن جەردە 17 اۆتوموبيل مەن 45 ادام, قاراعاندى وبلىسىندا بارلىعى 264 تەحنيكا مەن 630 ادام كەپتەلٸستە تۇر.
ونىڭ ٸشٸندە ساعات 17.30-دا تەمٸرتاۋ قالاسىنان نۇر-سۇلتان قالاسىنا 150 تەحنيكا اۆتوكولوننا جولعا شىقتى.
قاراعاندى وبلىسىنىڭ جىلىتۋ پۋنكتٸنە (وساكاروۆكا كەنتٸ) 19 ادام ورنالاستىرىلدى.
حالىقتى ەۆاكۋاتسييالاۋ ٷشٸن جولداردىڭ جابىق ۋچاسكەلەرٸندە 108 جىلىتۋ پۋنكتٸ دايىندالدى.
7 اقپاننان باستاپ تجم احۋال ورتالىعىندا رەسپۋبليكالىق جەدەل شتاب جۇمىس ٸستەۋدە. ونىڭ قۇرامىنا «قازاۆتوجول» ۇك اق جەنە «قازاقاۆتودور» جشس دە كٸردٸ. اقمولا, قاراعاندى جەنە پاۆلودار وبلىستارىندا دا وسىنداي شتابتار جۇمىس ٸستەۋدە.
شۇعىل جۇمىسقا 307 ادام مەن 182 تەحنيكا جۇمىلدىرىلدى.
