2020 jylǵy qańtar–qyrkúiekte mal sharýashylyǵy ónimderiniń ósimi 1,9 trln teńgeni qurap, infliatsiiany esepke alǵanda bir jyl ishinde 2,7% - ǵa artty, dep habarlaidy "Ult aqparat" energyprom.kz saityna silteme jasap.
Óńir boiynsha alǵanda mal sharýashylyǵy ónimderin shyǵarýdyń eń kóp kólemi Almaty oblysyna (291,3 mlrd tg) tiesili boldy. Ekinshi orynda Shyǵys Qazaqstan oblysy (260,5 mlrd teńge), úshinshi orynda Túrkistan oblysy (216,5 mlrd teńge) aiaqtaidy.
Biylǵy jyldyń 1 qazanyndaǵy jaǵdai boiynsha Qazaqstanda 8,2 mln bas iri qara maly bolǵan, bul ótken jylmen salystyrǵanda 5% -ǵa artyq. Olardyń 4 milliony – siyr.
Qoilar sany 19,5 milliondy qurady, bul ótken jylmen salystyrǵanda 3,5% kóp. Elde jylqylardyń sany 9,1%-ǵa (3,1 mln), eshki 0,6%-ǵa (2,5 mln), shoshqa 0,2%-ǵa (1 mln deiin artqan. Úi qustary, kerisinshe, 2,8%-ǵa azaiyp, 46,1 mln bolǵan.
Siyr sútin óndirý 3,1% -ǵa (4,8 mln. tonnaǵa), qyrqylǵan qoi júni 2,5% - ǵa, (39,4 myń tonnaǵa) , iri qara terileri 2,6% - ǵa, (2,2 mln danaǵa) deiin artqan. Qozy terileriniń óndirisi 13%- ǵa, taýyq jumyrtqasy 5,5% - ǵa deiin tómendegen.
