2020 جىلعى قاڭتار–قىركٷيەكتە مال شارۋاشىلىعى ٶنٸمدەرٸنٸڭ ٶسٸمٸ 1,9 ترلن تەڭگەنٸ قۇراپ, ينفلياتسييانى ەسەپكە العاندا بٸر جىل ٸشٸندە 2,7% - عا ارتتى, دەپ حابارلايدى "ۇلت اقپارات" energyprom.kz سايتىنا سٸلتەمە جاساپ.
ٶڭٸر بويىنشا العاندا مال شارۋاشىلىعى ٶنٸمدەرٸن شىعارۋدىڭ ەڭ كٶپ كٶلەمٸ الماتى وبلىسىنا (291,3 ملرد تگ) تيەسٸلٸ بولدى. ەكٸنشٸ ورىندا شىعىس قازاقستان وبلىسى (260,5 ملرد تەڭگە), ٷشٸنشٸ ورىندا تٷركٸستان وبلىسى (216,5 ملرد تەڭگە) اياقتايدى.
بيىلعى جىلدىڭ 1 قازانىنداعى جاعداي بويىنشا قازاقستاندا 8,2 ملن باس ٸرٸ قارا مالى بولعان, بۇل ٶتكەن جىلمەن سالىستىرعاندا 5% -عا ارتىق. ولاردىڭ 4 ميلليونى – سيىر.
قويلار سانى 19,5 ميلليوندى قۇرادى, بۇل ٶتكەن جىلمەن سالىستىرعاندا 3,5% كٶپ. ەلدە جىلقىلاردىڭ سانى 9,1%-عا (3,1 ملن), ەشكٸ 0,6%-عا (2,5 ملن), شوشقا 0,2%-عا (1 ملن دەيٸن ارتقان. ٷي قۇستارى, كەرٸسٸنشە, 2,8%-عا ازايىپ, 46,1 ملن بولعان.
سيىر سٷتٸن ٶندٸرۋ 3,1% -عا (4,8 ملن. تونناعا), قىرقىلعان قوي جٷنٸ 2,5% - عا, (39,4 مىڭ تونناعا) , ٸرٸ قارا تەرٸلەرٸ 2,6% - عا, (2,2 ملن داناعا) دەيٸن ارتقان. قوزى تەرٸلەرٸنٸڭ ٶندٸرٸسٸ 13%- عا, تاۋىق جۇمىرتقاسى 5,5% - عا دەيٸن تٶمەندەگەن.
