Qazaqstanda taǵy 804 adamǵa koronavirýs juqqany belgili boldy. Olardyń PTR testi oń shyqqan. Taǵy 46 adam koronavirýs pnevmoniiasyna (PTR testi teris shyqqan, klinikalyq belgiler boiynsha Covid diagnozy qoiylǵandar) shaldyqqan. 11 adam ólimi tirkelgen: 6 adam - koronavirýstan, 5 adam koronavirýs pnevmoniiasynan qaitys bolǵan dep aitylady.
Sársenbi kúni Almatyda PTR testi oń shyqqan - 121 naýqas, Pavlodar oblysynda - 81, Aqmola oblysynda - 51, Nur-Sultanda - 84, Batys Qazaqstan oblysynda - 72, Qostanai oblysynda - 61, Almaty oblysynda - 64, Shyǵys Qazaqstan oblysynda - 34, Qaraǵandy oblysynda - 54, Atyraý oblysynda - 21, Soltústik Qazaqstan oblysynda - 39, Qyzylorda oblysynda - 10, Shymkentte - 52, Aqtóbede - 23, Mańǵystaý oblysynda - 10, Jambyl oblysynda - 15, Túrkistan oblysynda 12 naýqas tirkelgen.
2020 jyldyń naýryz aiynan beri 215 610 adamnyń koronavirýs testi oń shyqqan. Sol ýaqyttan beri 2 783 adam qaitys bolǵan. 199 600 adam jazylǵan.
Qazaqstan biligi pnevmoniianyń koronavirýsqa uqsas túrin 2020 jyldyń 1 tamyzynan beri esepke ala bastaǵan. Oǵan deiin qansha adamnyń koronavirýs pnevmoniiasyna shaldyqqany belgisiz. Sodan beri 49 418 adam osy aýrýǵa shaldyqqan. 42 957 adam jazylǵan. 635 adam qaitys bolǵan.
Qazir 19 053 adam koronavirýstan emdelip jatyr. 13 227-iniń koronavirýs testi oń nátije kórsetken. 237 adamnyń jaǵdaiy aýyr, 45 patsienttiń jaǵdaiy óte aýyr. 51 naýqas jasandy tynys apparatyna qosylǵan.
Sondai-aq, 4 naýryz kúngi jaǵdai boiynsha Nur-Sultan, Almaty qalasy men Aqmola, Batys Qazaqstan, Qostanai, Pavlodar oblystary «sary aimaqta» tur.
Qalǵan óńirler «jasyl aimaqta».
Djons Hopkins ýniversitetiniń málimeti boiynsha, álemde koronavirýs juqtyrǵandar 115 mln 128 myńnan asty. 65 mln 99 myń adam jazylǵan. 2 mln 558 myń naýqas qaitys bolǵan.
