قازاقستاندا تاعى 804 ادامعا كوروناۆيرۋس جۇققانى بەلگٸلٸ بولدى. ولاردىڭ پتر تەستٸ وڭ شىققان. تاعى 46 ادام كوروناۆيرۋس پنەۆمونيياسىنا (پتر تەستٸ تەرٸس شىققان, كلينيكالىق بەلگٸلەر بويىنشا Covid دياگنوزى قويىلعاندار) شالدىققان. 11 ادام ٶلٸمٸ تٸركەلگەن: 6 ادام - كوروناۆيرۋستان, 5 ادام كوروناۆيرۋس پنەۆمونيياسىنان قايتىس بولعان دەپ ايتىلادى.
سەرسەنبٸ كٷنٸ الماتىدا پتر تەستٸ وڭ شىققان - 121 ناۋقاس, پاۆلودار وبلىسىندا - 81, اقمولا وبلىسىندا - 51, نۇر-سۇلتاندا - 84, باتىس قازاقستان وبلىسىندا - 72, قوستاناي وبلىسىندا - 61, الماتى وبلىسىندا - 64, شىعىس قازاقستان وبلىسىندا - 34, قاراعاندى وبلىسىندا - 54, اتىراۋ وبلىسىندا - 21, سولتٷستٸك قازاقستان وبلىسىندا - 39, قىزىلوردا وبلىسىندا - 10, شىمكەنتتە - 52, اقتٶبەدە - 23, ماڭعىستاۋ وبلىسىندا - 10, جامبىل وبلىسىندا - 15, تٷركٸستان وبلىسىندا 12 ناۋقاس تٸركەلگەن.
2020 جىلدىڭ ناۋرىز ايىنان بەرٸ 215 610 ادامنىڭ كوروناۆيرۋس تەستٸ وڭ شىققان. سول ۋاقىتتان بەرٸ 2 783 ادام قايتىس بولعان. 199 600 ادام جازىلعان.
قازاقستان بيلٸگٸ پنەۆمونييانىڭ كوروناۆيرۋسقا ۇقساس تٷرٸن 2020 جىلدىڭ 1 تامىزىنان بەرٸ ەسەپكە الا باستاعان. وعان دەيٸن قانشا ادامنىڭ كوروناۆيرۋس پنەۆمونيياسىنا شالدىققانى بەلگٸسٸز. سودان بەرٸ 49 418 ادام وسى اۋرۋعا شالدىققان. 42 957 ادام جازىلعان. 635 ادام قايتىس بولعان.
قازٸر 19 053 ادام كوروناۆيرۋستان ەمدەلٸپ جاتىر. 13 227-ٸنٸڭ كوروناۆيرۋس تەستٸ وڭ نەتيجە كٶرسەتكەن. 237 ادامنىڭ جاعدايى اۋىر, 45 پاتسيەنتتٸڭ جاعدايى ٶتە اۋىر. 51 ناۋقاس جاساندى تىنىس اپپاراتىنا قوسىلعان.
سونداي-اق, 4 ناۋرىز كٷنگٸ جاعداي بويىنشا نۇر-سۇلتان, الماتى قالاسى مەن اقمولا, باتىس قازاقستان, قوستاناي, پاۆلودار وبلىستارى «سارى ايماقتا» تۇر.
قالعان ٶڭٸرلەر «جاسىل ايماقتا».
دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە كوروناۆيرۋس جۇقتىرعاندار 115 ملن 128 مىڭنان استى. 65 ملن 99 مىڭ ادام جازىلعان. 2 ملن 558 مىڭ ناۋقاس قايتىس بولعان.
