Biyl Qazaqstanda 100 myń avtokólik shyǵarý josparlanyp otyr, dep habarlaidy "Ult aqparat".
QR Indýstriia jáne infraqurylymdyq damý ministrliginiń Telegram paraqshasynda jariialanǵan aqparatqa qaraǵanda, 2019 jyly Qazaqstannyń avtomobil ónerkásibinde 359,5 mlrd teńgege 50 447 kólik quraly shyǵarylyp, naqty kólem indeksi 162,5 paiyzdy qurady. Barlyq jańa tehnikanyń jartysy eń iri avtokóndirýshi - «SaryarqaAvtoProm» kásipornynda qurastyryldy.
«Ótken jyly Qostanai zaýyty óndiristi eki esege arttyryp, 25 802 jeńil, júk kóligi men avtobýstar shyǵardy. Al biyl óndiris kólemin 51 400-ge deiin jetkizýdi josparlap otyr. Ónimdilik ólshemi boiynsha qazaqstandyq «AZIIa AVTO» avtoqurastyrý zaýyty da kóshbasshyǵa ainaldy. Ótken jyl qorytyndysy boiynsha zaýytta 20 myń arnaýly tehnika qurastyryldy. Biylǵy jospar boiynsha kásiporynda 44 myń tehnika shyǵarylýy tiis», - dep atap ótedi ministrlikten.
