بيىل قازاقستاندا 100 مىڭ اۆتوكٶلٸك شىعارۋ جوسپارلانىپ وتىر, دەپ حابارلايدى "ۇلت اقپارات".
قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ Telegram پاراقشاسىندا جارييالانعان اقپاراتقا قاراعاندا, 2019 جىلى قازاقستاننىڭ اۆتوموبيل ٶنەركەسٸبٸندە 359,5 ملرد تەڭگەگە 50 447 كٶلٸك قۇرالى شىعارىلىپ, ناقتى كٶلەم يندەكسٸ 162,5 پايىزدى قۇرادى. بارلىق جاڭا تەحنيكانىڭ جارتىسى ەڭ ٸرٸ اۆتوكٶندٸرۋشٸ - «سارىارقااۆتوپروم» كەسٸپورنىندا قۇراستىرىلدى.
«ٶتكەن جىلى قوستاناي زاۋىتى ٶندٸرٸستٸ ەكٸ ەسەگە ارتتىرىپ, 25 802 جەڭٸل, جٷك كٶلٸگٸ مەن اۆتوبۋستار شىعاردى. ال بيىل ٶندٸرٸس كٶلەمٸن 51 400-گە دەيٸن جەتكٸزۋدٸ جوسپارلاپ وتىر. ٶنٸمدٸلٸك ٶلشەمٸ بويىنشا قازاقستاندىق «ازييا اۆتو» اۆتوقۇراستىرۋ زاۋىتى دا كٶشباسشىعا اينالدى. ٶتكەن جىل قورىتىندىسى بويىنشا زاۋىتتا 20 مىڭ ارناۋلى تەحنيكا قۇراستىرىلدى. بيىلعى جوسپار بويىنشا كەسٸپورىندا 44 مىڭ تەحنيكا شىعارىلۋى تيٸس», - دەپ اتاپ ٶتەدٸ مينيسترلٸكتەن.
