Foto: ashyq derekkóz
Qarjy naryǵyn retteý jáne damytý agenttiginiń tóraǵasy Madina Ábilqasymova elimizdegi 21 jasqa tolmaǵan árbir 7-azamat mikroqarjy uiymdaryna boryshker ekenin aitty, dep habarlaidy Ult.kz Aikyn.kz saityna silteme jasap.
Qarjy naryǵyn retteý jáne damytý agenttiginiń tóraǵasy Madina Ábilqasymovanyń aitýynsha, 18 ben 21 jas aralyǵyndaǵy 137 myńǵa tarta azamat mikroqarjy uiymdarynan nesie alǵan. Onyń 13 paiyzy, iaǵni 18 638 jas qaryzyn 90 kúnnen kóp keshiktirgen. Endi 20 jasqa tolmaǵan azamattar mikro nesie alý úshin resmi tabys kózin rastaýǵa mindettelýi múmkin. Bul úshin jumys ornynan nemese oqý ornynan anyqtama suralady.
Agenttik osylaisha borysh júktemesiniń ósýin toqtatýǵa áreket etpek. Qazir agenttik tutyný nesiesiniń qaterin shekteý jáne halyqtyń shamadan tys qaryzdanýyn boldyrmaý boiynsha júieli sharalar qabyldap jatyr.
"Agenttiktiń shamadan tys qaryzdanýdy tómendetý, tutyný nesiesiniń ósýin shekteý jáne halyqtyń borysh júktemesin azaitý jónindegi sharalary oń nátije berdi. Mysaly, 10 aida kepil qoiylmaǵan tutyný nesiesiniń ósimi 13,2%-ǵa deiin baiaýlady. Byltyr bul kórsetkish 24,3%-dan asqan edi. Ótken aida biznes-sektorǵa bankter tarapynan 156 mlrd teńge qaryz berilgen. Sóitip, jalpy bereshek 18 trln teńgege jýyqtady. Qaryz alýshylardyń basym bóligi – iri biznes. Al orta biznes tarapynan bank qyzmetine suranys az. Óitkeni olarǵa jeńildik qarastyrylmaǵan", – dedi Madina Ábilqasymova.
