فوتو: اشىق دەرەككٶز
قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مادينا ەبٸلقاسىموۆا ەلٸمٸزدەگٸ 21 جاسقا تولماعان ەربٸر 7-ازامات ميكروقارجى ۇيىمدارىنا بورىشكەر ەكەنٸن ايتتى, دەپ حابارلايدى Ult.kz Aikyn.kz سايتىنا سٸلتەمە جاساپ.
قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مادينا ەبٸلقاسىموۆانىڭ ايتۋىنشا, 18 بەن 21 جاس ارالىعىنداعى 137 مىڭعا تارتا ازامات ميكروقارجى ۇيىمدارىنان نەسيە العان. ونىڭ 13 پايىزى, ياعني 18 638 جاس قارىزىن 90 كٷننەن كٶپ كەشٸكتٸرگەن. ەندٸ 20 جاسقا تولماعان ازاماتتار ميكرو نەسيە الۋ ٷشٸن رەسمي تابىس كٶزٸن راستاۋعا مٸندەتتەلۋٸ مٷمكٸن. بۇل ٷشٸن جۇمىس ورنىنان نەمەسە وقۋ ورنىنان انىقتاما سۇرالادى.
اگەنتتٸك وسىلايشا بورىش جٷكتەمەسٸنٸڭ ٶسۋٸن توقتاتۋعا ەرەكەت ەتپەك. قازٸر اگەنتتٸك تۇتىنۋ نەسيەسٸنٸڭ قاتەرٸن شەكتەۋ جەنە حالىقتىڭ شامادان تىس قارىزدانۋىن بولدىرماۋ بويىنشا جٷيەلٸ شارالار قابىلداپ جاتىر.
"اگەنتتٸكتٸڭ شامادان تىس قارىزدانۋدى تٶمەندەتۋ, تۇتىنۋ نەسيەسٸنٸڭ ٶسۋٸن شەكتەۋ جەنە حالىقتىڭ بورىش جٷكتەمەسٸن ازايتۋ جٶنٸندەگٸ شارالارى وڭ نەتيجە بەردٸ. مىسالى, 10 ايدا كەپٸل قويىلماعان تۇتىنۋ نەسيەسٸنٸڭ ٶسٸمٸ 13,2%-عا دەيٸن باياۋلادى. بىلتىر بۇل كٶرسەتكٸش 24,3%-دان اسقان ەدٸ. ٶتكەن ايدا بيزنەس-سەكتورعا بانكتەر تاراپىنان 156 ملرد تەڭگە قارىز بەرٸلگەن. سٶيتٸپ, جالپى بەرەشەك 18 ترلن تەڭگەگە جۋىقتادى. قارىز الۋشىلاردىڭ باسىم بٶلٸگٸ – ٸرٸ بيزنەس. ال ورتا بيزنەس تاراپىنان بانك قىزمەتٸنە سۇرانىس از. ٶيتكەنٸ ولارعا جەڭٸلدٸك قاراستىرىلماعان", – دەدٸ مادينا ەبٸلقاسىموۆا.
