Nazgúl Sátbaeva otandyq shoý-biznes ókilderine tiesili kásiporyndardaǵy qyzmet kórsetý sapasyna kóńili tolmaǵanyn aitty. Ol Gúlzira Aidarbekova, Jazira Baiyrbekova jáne Asha Mataidyń esimderin atap, tanymal adamdardyń biznes júrgizýdegi kemshilikterine toqtaldy, dep habarlaidy ult.kz.
Suhbat barysynda Nazgúl Sátbaeva qazaqstandyq óner juldyzdary ashqan dúkender men sulýlyq salondaryna barǵanyn jetkizdi. Onyń sózinshe, keibir mekemelerdegi tazalyq pen qyzmet kórsetý deńgeii kóńilinen shyqpaǵan.
"Qairat Nurtastyń mamasy Gúlzira Aidarbekovanyń dúkeninde boldym. Jaziranyń salonynda boldym. Endi aita bersem, Asha Matai… Óte kóp, men aita berem ony, kitapta da keibir salondardy jazdym", – dedi ol.
Sátbaevanyń pikirinshe, keibir tanymal kásipkerler ózderiniń ataǵy men áleýmettik jelidegi aýditoriiasyna arqa súiep, qyzmet sapasyn jaqsartýǵa jetkilikti nazar aýdarmaidy.
"Ol adamdar qatty óziniń atyna senedi, aýditoriiasyna senedi. Biraq eń myqty maman alýdy oilamaidy", – dedi Nazgúl Sátbaeva.
Ol barǵan sulýlyq salondarynyń birinde tazalyqqa qatysty olqylyqtardy baiqaǵanyn da jasyrmady. Atap aitqanda, eden jýýǵa arnalǵan quraldar men mailyqtardyń retsiz jatqanyn aityp, mundai jaǵdaidyń klientke jaǵymsyz áser qaldyratynyn jetkizdi.
"Ol úlken medialyq adamnyń bet-beinesi ǵoi. Boldy, meniń kóńilim qalyp qaldy", – dedi ol.
Degenmen Sátbaeva bul jaǵdaidyń naqty qai mekemede bolǵanyn ashyp aitpady.
Keiin ol suhbattan úzindini Instagram paraqshasyna jariialap, óz ustanymyn keńirek túsindirdi. Onyń aitýynsha, tabysty kásip júrgizý úshin tanymal esimniń bolýy jetkiliksiz.
«Shyndyqqa eshkim renjimeidi dep oilaimyn. Salon bolsyn, magazin bolsyn, restoran bolsyn — kez kelgen biznestiń artynda myqty direktor, administrator nemese basqarýshy turýy kerek. Óitkeni biznestiń deńgeii tek qyzmetke nemese ónimge emes, ony basqaryp otyrǵan adamnyń kásibiligine de bailanysty», – dep jazdy ol.
Nazgúl Sátbaeva kásiptiń tabysty bolýy eń aldymen durys basqarýǵa, kásibi mamandarǵa jáne tutynýshyǵa kórsetiletin qyzmettiń sapasyna bailanysty ekenin atap ótti.
Sondai-aq ol kóńilinen shyqpaǵan mekemelerge ekinshi ret barǵysy kelmeitinin jetkizdi. Onyń pikirinshe, tanymal adamnyń atymen ashylǵan kásipke kelýshilerdiń talaby da joǵary bolady. Sondyqtan mundai oryndarda qyzmet kórsetý deńgeii kásip iesiniń bedeline sai bolýy tiis.
Aita keteiik, Nazgúl Sátbaevanyń syny óziniń jeke tájiribesine negizdelgen. Onyń aitqan kemshilikteri naqty qai kásiporynǵa qatysty ekeni tolyq naqtylanbaǵan. Al atalǵan tanymal tulǵalardyń bul pikirge qatysty ustanymy berilgen materialda kórsetilmegen.
