نازگٷل سەتباەۆا وتاندىق شوۋ-بيزنەس ٶكٸلدەرٸنە تيەسٸلٸ كەسٸپورىندارداعى قىزمەت كٶرسەتۋ ساپاسىنا كٶڭٸلٸ تولماعانىن ايتتى. ول گٷلزيرا ايداربەكوۆا, جازيرا بايىربەكوۆا جەنە اشا ماتايدىڭ ەسٸمدەرٸن اتاپ, تانىمال ادامداردىڭ بيزنەس جٷرگٸزۋدەگٸ كەمشٸلٸكتەرٸنە توقتالدى, دەپ حابارلايدى ult.kz.
سۇحبات بارىسىندا نازگٷل سەتباەۆا قازاقستاندىق ٶنەر جۇلدىزدارى اشقان دٷكەندەر مەن سۇلۋلىق سالوندارىنا بارعانىن جەتكٸزدٸ. ونىڭ سٶزٸنشە, كەيبٸر مەكەمەلەردەگٸ تازالىق پەن قىزمەت كٶرسەتۋ دەڭگەيٸ كٶڭٸلٸنەن شىقپاعان.
"قايرات نۇرتاستىڭ ماماسى گٷلزيرا ايداربەكوۆانىڭ دٷكەنٸندە بولدىم. جازيرانىڭ سالونىندا بولدىم. ەندٸ ايتا بەرسەم, اشا ماتاي… ٶتە كٶپ, مەن ايتا بەرەم ونى, كٸتاپتا دا كەيبٸر سالونداردى جازدىم", – دەدٸ ول.
سەتباەۆانىڭ پٸكٸرٸنشە, كەيبٸر تانىمال كەسٸپكەرلەر ٶزدەرٸنٸڭ اتاعى مەن ەلەۋمەتتٸك جەلٸدەگٸ اۋديتوريياسىنا ارقا سٷيەپ, قىزمەت ساپاسىن جاقسارتۋعا جەتكٸلٸكتٸ نازار اۋدارمايدى.
"ول ادامدار قاتتى ٶزٸنٸڭ اتىنا سەنەدٸ, اۋديتوريياسىنا سەنەدٸ. بٸراق ەڭ مىقتى مامان الۋدى ويلامايدى", – دەدٸ نازگٷل سەتباەۆا.
ول بارعان سۇلۋلىق سالوندارىنىڭ بٸرٸندە تازالىققا قاتىستى ولقىلىقتاردى بايقاعانىن دا جاسىرمادى. اتاپ ايتقاندا, ەدەن جۋۋعا ارنالعان قۇرالدار مەن مايلىقتاردىڭ رەتسٸز جاتقانىن ايتىپ, مۇنداي جاعدايدىڭ كليەنتكە جاعىمسىز ەسەر قالدىراتىنىن جەتكٸزدٸ.
"ول ٷلكەن مەديالىق ادامنىڭ بەت-بەينەسٸ عوي. بولدى, مەنٸڭ كٶڭٸلٸم قالىپ قالدى", – دەدٸ ول.
دەگەنمەن سەتباەۆا بۇل جاعدايدىڭ ناقتى قاي مەكەمەدە بولعانىن اشىپ ايتپادى.
كەيٸن ول سۇحباتتان ٷزٸندٸنٸ Instagram پاراقشاسىنا جارييالاپ, ٶز ۇستانىمىن كەڭٸرەك تٷسٸندٸردٸ. ونىڭ ايتۋىنشا, تابىستى كەسٸپ جٷرگٸزۋ ٷشٸن تانىمال ەسٸمنٸڭ بولۋى جەتكٸلٸكسٸز.
«شىندىققا ەشكٸم رەنجٸمەيدٸ دەپ ويلايمىن. سالون بولسىن, ماگازين بولسىن, رەستوران بولسىن — كەز كەلگەن بيزنەستٸڭ ارتىندا مىقتى ديرەكتور, ادمينيستراتور نەمەسە باسقارۋشى تۇرۋى كەرەك. ٶيتكەنٸ بيزنەستٸڭ دەڭگەيٸ تەك قىزمەتكە نەمەسە ٶنٸمگە ەمەس, ونى باسقارىپ وتىرعان ادامنىڭ كەسٸبيلٸگٸنە دە بايلانىستى», – دەپ جازدى ول.
نازگٷل سەتباەۆا كەسٸپتٸڭ تابىستى بولۋى ەڭ الدىمەن دۇرىس باسقارۋعا, كەسٸبي ماماندارعا جەنە تۇتىنۋشىعا كٶرسەتٸلەتٸن قىزمەتتٸڭ ساپاسىنا بايلانىستى ەكەنٸن اتاپ ٶتتٸ.
سونداي-اق ول كٶڭٸلٸنەن شىقپاعان مەكەمەلەرگە ەكٸنشٸ رەت بارعىسى كەلمەيتٸنٸن جەتكٸزدٸ. ونىڭ پٸكٸرٸنشە, تانىمال ادامنىڭ اتىمەن اشىلعان كەسٸپكە كەلۋشٸلەردٸڭ تالابى دا جوعارى بولادى. سوندىقتان مۇنداي ورىنداردا قىزمەت كٶرسەتۋ دەڭگەيٸ كەسٸپ يەسٸنٸڭ بەدەلٸنە ساي بولۋى تيٸس.
ايتا كەتەيٸك, نازگٷل سەتباەۆانىڭ سىنى ٶزٸنٸڭ جەكە تەجٸريبەسٸنە نەگٸزدەلگەن. ونىڭ ايتقان كەمشٸلٸكتەرٸ ناقتى قاي كەسٸپورىنعا قاتىستى ەكەنٸ تولىق ناقتىلانباعان. ال اتالعان تانىمال تۇلعالاردىڭ بۇل پٸكٸرگە قاتىستى ۇستانىمى بەرٸلگەن ماتەريالدا كٶرسەتٸلمەگەن.
