Oljas Abai Instagram paraqshasynda óziniń jáne Dariǵa Badyqovanyń atynan jasandy intellekt arqyly daiyndalatyn videolarǵa qatysty úndeý jariialady, dep habarlaidy ult.kz.
Jazbada olardyń aty men beinesin paidalanyp kontent jasaityn jeli qoldanýshylarynan zań talaptaryn saqtaý suralǵan. Sonymen qatar mundai videolarda ózderin belgilemeýdi ótingen.
“Jasandy intellekt kómegimen video jasaǵanda, zań talaptaryn saqtap, zańǵa qaishy keletin kontent jariialamaýlaryńyzdy suraimyz. Sondai-aq, bizdiń atymyzdy nemese beinemizdi paidalanyp jasalǵan mundai videolarda bizdi belgilemeýlerińizdi ótinemiz”, – delingen jazbada.
Úndeý sońynda jasandy intellekt múmkindikterin jaýapkershilikpen paidalaný qajettigi aitylǵan.
“Jasandy intellekt – múmkindik, al ony durys paidalaný – jaýapkershilik. Túsinistik tanytqandaryńyzǵa raqmet”, – dep jazylǵan Oljas Abai men Dariǵa Badyqovanyń atynan jariialanǵan málimdemede.
Aita keteiik, Darhan Musaev eks-jarynyń toiy týraly aitty.
Oljas Abai kim?
Oljas Abai – qazaqstandyq akter ári ánshi, kópshilikke “Ochooou” (“Ochoý”) sahnalyq esimimen tanys. Temirbek Júrgenov atyndaǵy Qazaq ulttyq óner akademiiasynda akterlik bilim alǵan. Kinoǵa kelmes buryn teatr sahnasynda alty jyl óner kórsetken. “Sisitai”, “Klasstastar”, “Brat ili Brak” filmderinde ról somdaǵan.
Akterlikpen qatar án aityp, beinebaiandarynyń ideiasy men stsenariiin ázirleýge de qatysady. Suhbatynda akterlikti basqa mamandyqqa aiyrbastaǵysy kelmeitinin aitqan.
