Foto: Májilis
Belgili ustaz Azamat Sámbetqulov Oqý-aǵartý ministri Juldyz Súleimenovaǵa ashyq úndeý joldady, dep habarlaidy Ult.kz Arasha.kz portalyna silteme jasap.
Pedagogtyń aitýynsha, synyp jetekshileriniń eńbekaqysy olardyń atqaratyn jumys kólemine sai emes, sondyqtan bul máseleni qaita qaraý qajet.
"Qurmetti ministr hanym! Synyp jetekshilerine tólenetin jalaqyny eldegi eń tómengi jalaqy mólsherine – shamamen 85 myń teńgege teńestirip, bul qyzmetti jeke shtat retinde qarastyrýdy suraimyn. Sebebi synyp jetekshileri aiyna 4-5 ret synyp saǵatyn ótkizedi. Ár saǵattyń qunyn orta eseppen 5 myń teńge dep alsaq, eń kemi 20-25 myń teńge kóleminde aqy alýy kerek", – deidi Azamat Sámbetqulov.
Sonymen qatar ol synyp jetekshilerden talap etiletin qujattarǵa qatysty biryńǵai nusqaýlyq bekitýdi de usyndy.
"Ár tekserý saiyn túrli qujattar suralady. Bul muǵalimderdiń ýaqytyn alyp, júikesin qajytady. Al synyp jetekshisi óz synybyndaǵy ár oqýshynyń taǵdyryna, tárbiesine jaýapty ekenin umytpaýymyz kerek. Ol sol úshin jeke ýaqyty men otbasyna arnalǵan ýaqytyn da sarp etedi", – dep atap ótti ustaz.
Belsendi pedagog ministrlikten bul usynystardy muǵalimderdiń áleýmettik jaǵdaiyn jaqsartýǵa baǵyttalǵan naqty sheshim retinde qarastyrýdy ótindi.
