فوتو: مەجٸلٸس
بەلگٸلٸ ۇستاز ازامات سەمبەتقۇلوۆ وقۋ-اعارتۋ مينيسترٸ جۇلدىز سٷلەيمەنوۆاعا اشىق ٷندەۋ جولدادى, دەپ حابارلايدى Ult.kz Arasha.kz پورتالىنا سٸلتەمە جاساپ.
پەداگوگتىڭ ايتۋىنشا, سىنىپ جەتەكشٸلەرٸنٸڭ ەڭبەكاقىسى ولاردىڭ اتقاراتىن جۇمىس كٶلەمٸنە ساي ەمەس, سوندىقتان بۇل مەسەلەنٸ قايتا قاراۋ قاجەت.
"قۇرمەتتٸ مينيستر حانىم! سىنىپ جەتەكشٸلەرٸنە تٶلەنەتٸن جالاقىنى ەلدەگٸ ەڭ تٶمەنگٸ جالاقى مٶلشەرٸنە – شامامەن 85 مىڭ تەڭگەگە تەڭەستٸرٸپ, بۇل قىزمەتتٸ جەكە شتات رەتٸندە قاراستىرۋدى سۇرايمىن. سەبەبٸ سىنىپ جەتەكشٸلەرٸ ايىنا 4-5 رەت سىنىپ ساعاتىن ٶتكٸزەدٸ. ەر ساعاتتىڭ قۇنىن ورتا ەسەپپەن 5 مىڭ تەڭگە دەپ الساق, ەڭ كەمٸ 20-25 مىڭ تەڭگە كٶلەمٸندە اقى الۋى كەرەك", – دەيدٸ ازامات سەمبەتقۇلوۆ.
سونىمەن قاتار ول سىنىپ جەتەكشٸلەردەن تالاپ ەتٸلەتٸن قۇجاتتارعا قاتىستى بٸرىڭعاي نۇسقاۋلىق بەكٸتۋدٸ دە ۇسىندى.
"ەر تەكسەرۋ سايىن تٷرلٸ قۇجاتتار سۇرالادى. بۇل مۇعالٸمدەردٸڭ ۋاقىتىن الىپ, جٷيكەسٸن قاجىتادى. ال سىنىپ جەتەكشٸسٸ ٶز سىنىبىنداعى ەر وقۋشىنىڭ تاعدىرىنا, تەربيەسٸنە جاۋاپتى ەكەنٸن ۇمىتپاۋىمىز كەرەك. ول سول ٷشٸن جەكە ۋاقىتى مەن وتباسىنا ارنالعان ۋاقىتىن دا سارپ ەتەدٸ", – دەپ اتاپ ٶتتٸ ۇستاز.
بەلسەندٸ پەداگوگ مينيسترلٸكتەن بۇل ۇسىنىستاردى مۇعالٸمدەردٸڭ ەلەۋمەتتٸك جاعدايىن جاقسارتۋعا باعىتتالعان ناقتى شەشٸم رەتٸندە قاراستىرۋدى ٶتٸندٸ.
